jidhar bhi dekhiye chehre pe naqab hai
haqiqat ko jan-na ek khwab hai
tumheiN chal ke pat-tharoN pe aana hai
mere ghar ka rasta kuchh kharab hai
tujhe dekhta to shayad chala jata
mukhe rokta phir tera ye hijab hai
qurbaniyoN dekar bhi ham juda juda se heiN
kya kuchh aur baqi mazhab ka hisab hai
ye ooNche burj-o-imara tumheiN mubarak
mujhe aziz mere ghar ki mehraab hai
mila ke haath tamam dost chal diya
na ghamshanas mera koi ahbab hai
zamiN tu na ghoomti to hamsaye kahaN hote
mera mehboob bhi tera aaftab hai
aawaz azaN ki tujhe roz bulati hai
tu aaye na aaye ye tera intikhab hai
Subscribe to:
Post Comments (Atom)
No comments:
Post a Comment