Friday, February 12, 2010

ghar



ye ghar jisko sajaya tumne
kin baharoN se aashiyaN churaya tumne

jis kaDi dhoop meiN tapish meiN chhaNv na thi
kaise sardo sangeen usko banaya tumne

jo tum na thiN to koi mafhoom na the
sune makaN ko ghar ka unwan dilaya tumne

meiN rahta tha,behis,besada is taboot meiN band
ruh-o-dil ko qaid se aazad karaya tumne

teri taqdis hai ki itni raa'nayee hai
apne muqaddas hathoN se rachaya tumne

'''''''''''''
hawaaoN se khushboo lekar,faza'oN se bahareiN lekar
aasmanoN se rang lekar,baarish ko sang lekar
pahaDo se qadr lekar,tufanoN se sabr lekar
ghata'aoN se kaajal lekar,chattano se taqat lekar
sahraa'oN se mitti lekar,lahroN se sangeet lekar
dasht se noor-al-ain lekar,suraj se tamazat lekar
chamak taaroN se li,chand se ijazat lekat
phooloN se khushboo lekar, mahak raat ki raani se lekar
muskrahat se haNsi lekar, haNsi se zindagi lekar
............
teri hina ki khushboo mujhe hai chhoo jaati
shiddat-e-ahsas-nikhat ko mahkaya tumne

ye ghar jisko sajaya tumne
kin baharoN se aashiyaN churaya tumne
Posted by at

6 comments:

  1. InamFebruary 20, 2010 at 8:33 AM

    "tufanoN se sabr lekar" tufaan to sabr se mehroom hote hain. Kahin aapne kisi aur mayne me likha hai?

    ReplyDelete
  2. abrar ulhaqFebruary 21, 2010 at 7:43 PM

    tasleem inam sahab.

    is sitre ko likhte waqt mere zahan mein sirf ye baat thi ki akcer hameiN tufanoN se guzarna paDta hai, aur ham uske guzar jaane ka sabr karte heiN, kuchh kar nahi paate.

    tufan guzar jaane ke baad sirf uske kiye nukcaan se aapke paas sirf sabr bachta hai,

    lekin aapki baat bahut makool hai, kyuN ki toofan apne saath sabr nahi laate,

    balki tufan guzar jaane ke baad hashr aur sabr chhor jaate heiN, lekin meiN kisi waqt-e-furgat mein ise islah karoonga.

    aapki nazar saani ka dil se mamnoon hooN, baraye karam apni aamad se nawazte raheiN.

    aapka mukhlis dost
    abrar ulhaq

    ReplyDelete
  3. AslamApril 10, 2010 at 4:35 AM

    Abrar sahab mashallah se bhut acha likha hai apne bade khoob andaaz mai apni jabaato.n ko ayaa.n kia hai bhut khoob likhte rahiye aur share karte rahiye

    ReplyDelete
  4. QadeertoopchiApril 16, 2010 at 9:11 AM

    wah abrar sahab , kya kahene bhaijaan , bahoth qoob aur jo toofano ke mutaliq apne tarjumani ki hai usse mai itefaaq rakhta hon .. waqai toofano ki amad pe siwaye sabr ke khuch nahi kar sakte .. bahoth qoob ..allah apko khush rakhe..


    apka bhai

    qadeertoopchi

    ReplyDelete
  5. abrar ulhaqApril 20, 2010 at 9:48 AM

    bahut shukriya aslam sahab.aapki hausla afzaai ka, aziz dost mein abhi bhi seekhne ki koshish kar raha hooN,
    mukhlis dost
    abrar ulhaq

    ReplyDelete
  6. abrar ulhaqApril 20, 2010 at 9:51 AM

    qadeer bhai, khush amdeed, aapke qeemti alfaaz ke liye dil se mamnoon hooN,aur mere mafhoom ko samajhne ke liye dil ke gahrayee se shukriya ada karta hooN, khuda aapko bahut kush rakhe.

    aapka dost
    abrar

    ReplyDelete

Subscribe to: Post Comments (Atom)