ALFAAZ

apne hi aaspas tum jawabon meiN rahte ho

2011-08-20T14:42:00.000-07:00

aankhoN ko band kar ke khwabon meiN rahte ho
kaanton ki shaakh pe gulaaboN mein rahte ho

koi tut ta sitara kabhi taqdeer badal de
shab-e-intzar ki chhat pe mehraboN meiN rahte ho

qarb-e-dil kahiN surat na ayaN kar de
hothoN pe tabassum ke naqaboN meiN rahte ho

taqdeer ka likha to hath ki lakeeroN meiN hai
kya dhooNdte tum kitaaboN meiN rahte ho

muhabbat hi la-faani hai aur rahegi ta-abad
ungliyoN pe chalte kaun se hisabon meiN rahte ho

yuN bhatak bhatak ke sham ghar laut aana
tum bachchon ke masoom intikhabon meiN rahte ho

na udas ho tum sawaloN ke jungle mein
apne hi aaspas tum jawaboN meiN rahte ho.

yuN raat ke gumbad pe khawabon ka basera hai

2011-08-20T14:38:00.000-07:00

gila nahin mujhe tere intiqaam se
shuru karti hooN din tera naam se

dariya bhi aasmaN zamiN pe le aata hai
dikha ke kahkashaN paani meiN ahatram se

baaNdh ke suraj ko apne baazu mein
mujhe laDna hai andheroN se intzam se

teri aankhoN ke aayheene meiN khud ko saNwarooN
mile jo fursat kabhi apne kaam se

dhoop ruk gaye hai chhat ki mundher per
milane muflisi ko roshni ke qayaam se

joi meiN aayena ban ke khud meiN utarta hooN
ho jata hooN labbasta meiN khud kalaam se

yuN raat ke gumbad pe khwabon ka basera hai
koi tabir nahiN guzarti bala-e-baam se

kisi dastshanash ne meri hatheli ko dekha
waqif nahi kiya per mere anjaam se

jeene ki wajah

2011-08-20T14:34:00.001-07:00

yuN is tarah jeene ki wajah se lagti ho
shabnam ka zewar pehne subah si lagti ho

tujhe chaaNd ke aqs jaise tashtri mein utaroon
aasma se uth ti chaNdni ki nigah se lagti ho

yuN baagwaN banke fasl-e-bahar ka
khushk zamiN pe baarish ki dua si lagti ho

gussa ki mukhtsar lahroN ki zindagi sa
saghar ko chhune wali hawa si lagti ho

dhoop ki imaraton ke garm shahar mein
thandi surmayee sham ki faza si lagti ho

yuN so gaya meiN barf ke takiye pe sar laga ke
kohre ke chilman se aati sada si lagti ho.

sukhan ki sirf tehreer nahin hooN

2011-08-20T14:30:00.000-07:00

tere gunahon per tazeer nahiN hooN
meiN tere paaNv ki zanzeer nahin hooN

tu khud farishton ki dastras mein hai
meiN kisi kaaNch ki shamsheer nahi hooN.

meri chahat ko kaaghzoN meiN na zaya kar
tere sukhan ki sirf tehreer nahiN hooN meiN

waqt jo hoga khushbakht to laut aayega
tera pyar hooN meiN taqdeer nahiN hooN

mita ke mujhko tu bhool payega kaise
canvas per khiNchi koi lakeer nahiN hooN meiN

munjamid hooN meiN muhabbat ki ana per
kisi khairat ki muntazir haqeer nahiN hooN meiN

tere bas meiN kuchh aur insaaN nahiN hai

2011-08-20T14:28:00.000-07:00

aur is se aage aasmaN nahiN hai
ab aur bulandiyoN ka imtihaN nahi hai

ye zindagi aur kar dooN tere naam
mere paas wafa ka saman nahin hai

diye bujh gaye chaand to roshan hai
usko bujhane wala tufan nahiN hai

awaz se uske mafhoom ko na jane
itna bhi is qadar tu nadan nahin hai

mere kadmoN ki aahat se jan leta hai
kaise kahooN usko meri pehchan nahiN hai

jiska haq hai use wapis kar de
na kahne de ki tu musalman nahiN hai

na tabeer mile per khwab to rahein
tere bas meiN kuchh aur insaaN nahiN hai

suna hai dostoN ke hawalon mein rahte ho

2011-08-20T14:24:00.000-07:00

kahaN khoye tum kin khyaloN meiN rahte ho
koi afsana bankar risaaloN meiN rahte ho

shahar meiN har taraf tumhara charcha hai
ghire tum kaun se sawalon meiN rahto ho

sab ko maloom hai rat ki tarikiyoN meiN
taroN se chhip ke hilaloN mein rahte ho

har rat khudkashi kar lete ho
subah uth ke phir malaloN meiN rahte ho

suneiN us ghareeb ke hijr ka rutba
kaise khush, gham ke wisaaloN meiN rahte ho

ziqr tumhara koi fankar nahiN karta
abrar bas doston ke hawalon mein rahte ho

chala gaya asa-e-jahaN lekar

2011-08-20T14:22:00.000-07:00

wo gaya meri rag-e-jaaN lekar
meri tanhayee ke imtihaaN lekar

khwab aankhoN mein de ke chala gaya
mere hujre se shabistaN lekar

kaise manzil tak meiN ta'akub karoon
chala gaya wo sang-e-nishaN lekar

fasal ke phal to de gaya jate jate
chala gaya mera baagwaN lekar

sar pe rakh ke judai ka aasmaN gaya
chhipa ke muhabbat ki khakdaaN lekar

apni yadoN ka jahaN chhoD gaya
chala gaya asa-e-jahaN lekar

zindagi pehle bhi kahaN apni shahada thi

2011-08-20T14:19:00.000-07:00

jab muhabbat be-irada thi
meri hasrat bhi sar nihada thi

dosti apne paaNv chalti thi
zindgai kis kadar kushada thi

yuN mil ke us-se malooM hua
dosti uski mujhse zyada thi

door rahkar ke ye bhi dekh liya
dosti dushmani se saada thi

dushmani ho to bas itna malooM rahe
teri hasrat be be-labada thi

abrar ham na hoNge to kya farq paDega
zindgi pehle bhi kahaN apni shahada thi

Sang-e-nishaN se manzil ka gumaN kitna

2011-08-20T14:15:00.000-07:00

baaqi rah gaya hai bas nishan itna
khaNdhar ke dastras ghar ka saman jitna

zarurteiN mere paaNv ki dekhne hi nahin deti
sang-e-nishan se manzil ka gumaaN kitna

sitare wo meri god meiN kitne bhar gaya
oDne ki doori par rah gaya aasmaN jitna

duniya se jane waloN ka t'aakub kare hai
pas ho to phir gaphil rahe insaaN kitna

tum mere paas ho,kya mere sath bhi ho
muhabbat ka hai bas imtihan itna

baad marne ke mujh per quran to bakhsh hi doge
ek dua abhi palkoN pe phooNk do,hai armaaN itna

Zindagi tere rang hazaar

2011-08-20T14:10:00.000-07:00

na jane kitni khwahishoN ke beemar
zindagi tere rang hazaar

koi khush hai muflisi ke hone meiN
bhookh ki fasal zamin meiN bone mein
tahi damaN aarzu'eiN bhigone meiN
phir kya rakha hai ghaDi ghaDi ke rone meiN

khush zardar bhi hai shahi bichhone meiN
mast ghareeb bhi paDa hai kisi kone meiN

khush wo tawaaif bhi atari se nain laDati hai
har aate jaate pe khul ke khilkhilati hai

khushi khushi naya amir bhi car mein aata hai
apni baaryabi ke jashn manata hai

khush wo bhi hai jo andar se beemar hai
piye dard ko khud hi teemardar hai
jo bachcha hotloN meiN chaay laata hai
aate jate koi geet gungunata hai
malal usko bhi taleem ka shayad hi aata hai
kaam itna hai ki khyal kahaN aata hai

shauk-e-ana hai kisi haal meiN marta hi nahiN

2011-08-20T14:06:00.000-07:00

is daur ka insaaN bhi hai kaisa insaaN
ghardish-e-halaat se darta hi nahiN

ishq ki raftar bhi hai eisi beparwah
rasmoN ke imtihan se guzarta hi nahi

zamane ke qahqahe dara dete haiN bahut
kisi aaNkh se aaNsu utarta hi nahin

khud insaaN kitni maut mar chuka ab tak
shauk-e-ana kisi hal meiN marta hi nahi

daur-e-suroor to aata hai guzar jata hai
hisab gunahon ka wo aaj bhi karta hi nahi

sailab khun aur paseenoN ka ghareebon ka le ke
khazana zardaroN ka aaj bhi bharta hi nahiN

paake sab kuchh bhi aaj dil mera
kisi muqam pe aake thar-ta hi nahiN

naya dard bayaN hota kuchh baat alag hoti

2011-08-20T14:03:00.000-07:00

jo hoti zabaN aaNsuoN ki aur qahqahoN ki khamoshi
naya dard bayaN hota kuchh baat alag hoti

tere ram ka sunuN meiN fasana,tu paigham-e-muhammad ko paD
mazhab bhi naya hota, koi zaat alag hoti

Tu meri car meiN baith aur meiN teri chaupal meiN
hamdard samaN hota, ye hayat alag hoti

masjid ke pas mandir aur ek girjaghar
sab hamrah hote, baraat alag hoti

ki apne jazbon ko phir duhra ke dekhte
rasm-e-muhabbat ki saughat alag hoti

jo tu aati to chaNg faragat kar leta
koi din ayaN hota aur rat alag hoti

tera khwab

2011-08-20T13:59:00.001-07:00

tera khwab hai ki dar dar ke rahta hai
pata laga'o kyuN sheeshe ke ghar meiN rahta hai

khauf se gahrayee wo kahaN ja baitha
chhip ke dariya se samandar meiN rahta hai

talashte khud ko khud ke darwaze pe dastak di
tera wajood kahaN tere ghar meiN rahta hai

kitna bhi door nigahoN se tu ho jaye
aqs tera meri nazar meiN rahta hai

sahra'oN ki taweel tapish bhi dushwar nahiN
tera hausla chasm-e-mukhtasar mein rahta hai

tamam afkar-o-asha'ar heiN tere sarnigu
kaun sa sher tere zok-e-nazar meiN rahta hai

kyuN bhatkta hai baichain rooh ko sath liye
tera hamsaya nahiN aam bashar meiN rahta hai

yuN hawaoN ko muth-thi meiN na tham mere yaar
tera basera faza'aoN meiN maho akhtar meiN rahta hai

Ek nayee subah ki shurua't

2011-08-20T13:54:00.000-07:00

aao ek nayee subah ki shurua't kareiN
na akhbar paDeiN n daftar ke muzakrat kareiN

kamre se nikal ke lawn meiN baitheiN
bachchoN ke ziqre tassurat kareiN

ek arsa hua khud se door hu'e
kyuN na khud se aaj mulakat kareiN

Ye ghar jo banaya hai tumne khushnuma
qurban din ke aaj lamhaat karein

meri masrufiyat mujhe gah gah door karti hai
kyuN na faragat ke ikaththe jazbat karein

ahsasoN ko saja dein dar-o-baam per yuN
din eid sa ho raat shab barat karein

koi bahas na ho aaj tere mere beech
taro taza muhabbat ke ahsasat kareiN

yuN waqt bhi kuchh is tarah thahar jaye aaj
bas dostoN aur rishte ki hi bat kareiN

faraghat ka is din bhari ho subah per
zindagi tujhse wafa ke halat kareiN

Deewan-e-inam sahab

2011-08-18T18:21:00.000-07:00

jinheiN pahuNche hazaroN salam sahab
hardil aziz heiN inam sahab
surat pe jiski sadgi si
andaz meiN shaistagi si
laboN pe jiske shaguftsi si
karte heiN tehreeroN mein qayam sahab

jo bhoone ki ada hai bholi
palat ke unse tapak boli
na bhoone ki fiqr karna
rahooNgi meiN ham kalam sahab

zuban-e-mumbai ne apun sikhaya
u.p. ne meiN aur tu banaya
zabaN ki taqeer koi kiye mukhatib
lafz-e-ham se kalam sahab

hausloN mein jinke hai shuja'at
kalam meiN jiske heiN sadaqat
adawat meiN jiske hai rafa'qat
hazaroN jinke heiN naam sahab

hai gussa jinka hubab jaisa
awad ke naram nawab jaisa
gharam kulcha-o-kabab jaisa
jise khake khush hai awam sahab

mashiyat ki zyada fiqr nahiN
be-wajah dauD-dhoop ka ziqr nahiN
jaise heiN khush heiN ye firakhdil
sabir heiN eise inam sahab

insanoN ko samajhte heiN cheeta
\cheeta jo doosre ka pani bhi nahi peeta
hay allah ye waqt hampe kaise bita
cherte heiN eise inam sahab

tehrereiN unki dalel-adeebaN hein
ziqre-hukumat aur chak ghareebaN heiN
nizame hasti aur ziqre pareeshaN heiN
insaniyat ka dete heiN paigham sahab

khaksari wa inqsaari
khooN meiN jiske imandari
path-throN pe chalne ko hamesha raji
rahoN se befiqr inam sahab

daba ke daatoN meiN apni uNgli
batate heiN roz nai koi gugli
kahiN ziqre paighame subah ujli
kahiN ziqre gardishe ayyaam sahab

hubbe watan aziz hai
mit-ti bhi jiski laziz hai
jate heiN hindustan ghah ghah
khane lucknow ke aam sahab

dosti laqat hai jiska
paighame mohabbat mazhab hai jiska
phir dost ho ya na aashna
karte heiN sabka ahtram sahab

ilm ka heiN wo badshah
aur lafzoN ke shahanshah
rok nahi pate daurane guftgu
karte heiN qata kalaam sahab

kabhi shri zaban to kabhi aatish nawa
ki jiski aawaz lage hamnaw
ki sholabar meiN bhi hooN aur tum bhi hamlawar
to un per kyuN lage ilzam sahab

kyuN wo shakhs bana hai paththar ka dewta
jhaNkkar koi dil meiN nahi dekhta

ki wo paththar kabhi bhi dhadak sakta hai
seene meiN jiske hoN imam sahab

jo waqt mile tum bhi aana
aur sath dostoN ko bhi laana
haiN jumerat ki rat karte
bar-b-qu ka ahatmam sahab

sab daur rahein hein jane kis raftar mein
koi tarakki ke liye koi fiqr-o-rozgar meiN
hai us be-niyaz ke waqt ikhityar meiN
thodi fiqre duniya aur thoda aaram sahab

chaliye ziqre inam bhi chor deiN
rukh qayadat ka kahiN aur mor deiN
koi n am sare fehrist lake kahaN se jod deiN
nahi waqt aur muhabbat ka koi aur intzam sahab

wo jab bahs-o-taqrar karein
khooN hamara thukwa deiN
waqeeloN ka kaam band kara deiN
judgoN se aag ugalwa deiN
bahas mein harte sar khujate
ham karte heiN kohram sahab

ghar inam sahab ho aapse ruthe
bas ek kaam kar lijiye
apni masrufiyat ko tarq karke
ek phone chhota sa kar lijiye
dil ke darwaze khule mileNge
eise hai jinka nizam sahab

dostoN milo na milo per baat hoti rahe
yuN is tarah dosti ki din o rat hoti rahe
kabhi kabhi creek park meiN mulakat hoti rahe
haieN kuchh is tarah ke usule inam sahab

sar e zindagi hai inam itna
char din ka bayan hai itna
do phone line mein kat gaye
do on line meiN

hamne bhi kaha nahi
aur aapne suna nahi
are wahi to ham kar rahe the
hai jinka takiya kalaam sahab.

child labour

2011-08-18T18:14:00.000-07:00

aa tujhse teri tamanna'oN ka matlab puNchheiN
is mehnat kash zindagi ka sabab puNchheiN

ki teri umr khwaboN ki chhat pe thaharti
libase shaffak ke madarsoN pe guzarti
ki tere kaNdhe pe sabziyoN ka na bojha hota
sc hool ki kitabeiN rakhte maaN ka bosa hota

tujhe gurabat ne jo libas diye
teri masumiyat ko kaise ghamshanas diye

ki teri umr to faza'aoN se khelne ki thi
baarish ke chhetoN se dosto ko cherte ki thi
saharo ke saye mein tujhe palna tha
n a jahan ki zimmedarioyoN se laDa tha
teri aankho mein jo ankahe sawal heiN
aasma larzate angine malal heiN
tera bachpan na jane kahan kho gaya
ye nizame hasti ko kya ho gaya
yuN aaj maaN baap ka kharch uthata hai
tu itna bada kab kaised kaha ho gaya
gali kooche mein khak-b-sar kaise muskarata hai
kya dil meiN masaa'ib ka khyal kabhi aata hai
kaarkhanoN aur hotloN meiN nakdni kaam karta hai
doosroN ke khane ke bartan saaf karta hai
aur kuchh nahi to theri pe paani bechta hai
school aate jaate bachchoN ko dekhta hai
koi daur-ishrat tere bhi andar hai
ye zindagi aarzu'ooN ka samandar hai
e tahi-damaN meine bhi maan baap ki mdadd ki
taleem leke bada hoke ye bhi ahad ki
meiN bhi bada hoke farmabardar ho gaya
per tu kaise itni kam umr meiN sardar ho gaya

jagah zakhm khane ki meiNe rakh chhori thi

2011-08-18T18:07:00.000-07:00

tum nahiN the to gila bhi nahi tha
koi shikaytoN ka silsila nahiN tha

uske hone ke shikwe nahiN the
mujhse wo jab tak mila nahiN tha

jagah zakhm khane ki meiNe rakh chhori thi
kamaaN se teer jab tak hila nahiN tha

tere tabassum pe dard ka pahra tha
tanhayee se ooNcha koi aur qila nahi tha

aazma ke tujhe phir teri muntazir hooN
zakhm tujhse paya ab tak sila nahi tha

door jate khuda hafiz hi kaha hota
meri qurbatoN ka ye to sila nahi tha

Mujhe waqt nahiN tut ke bikharne ka

2011-08-18T18:03:00.000-07:00

aasra nahiN suraj ke nikalne ka
sham-e-gham leti nahiN naam dhalne ka

tum aa'oon ki meiN aaj bhi wahiN hooN
paaNv dete nahiN saath tanha chalne ka

kaDi dhoop meiN chhaNv tere palko ki hai
nahiN hai khauf mujhe dhoop meiN jalne ka

yuN chashma tere didar ka tar deta hai
meri pyas ke karwat badalne ka

meiN laDkhaDaooN to gir paa'ooN kaise
tera wada hai mere saaye ko saNbhalne ka

rahe muhabbat ke samne kaaNte bhi hein
yahi waqt hai imtihan se guzarne ka

zimmedariyaN meri thakan ko thame rathti heiun
mujhe waqt nahiN tut ke bikharne ka

MEIN

2011-08-18T18:00:00.001-07:00

paroN ko baNdhe kab se nahiN uDi hooN meiN
zamine haqiqat se jab se juDi hooN meiN

aasman ki parwaz se jab utar ke aana
zamin ke macaail hath meiN liye khaDi hooN meiN

teri du'aayeiN maaN har simt paayee meiN
kisi bhi raah se bekhauf jab muDi hooN meiN

hari to nahiN per ab thak gayee hooN
tark-e-aazmaaish per itna laDi hooN meiN

sachchi dua'aeiN bhi imtihan se guzreNgi
kisi kitaab se itna nahiN paDi hooN meiN

Milane hath dosti ke bahane lage

2011-08-18T17:57:00.000-07:00

khizaN aaye to shazar ko ahsas hua
jinpe takiya tha wahi pat-te aazmane lage

daba ke dard ko seene meiN wo is tarah haNsi
gham aake uske hoNthoN pe muskrane lage

hale dil jab bhi sunaya zamane ko
mere alfaz usko fasaane lage

daulat teri kashish hai ki marne se pahle
rishtedar mere ghar pe aane jaane lage

meiN daulat mand hooN ye jankar aashna mere
miklane hath dosti ke bahane lage

wo chipkar mere dil meiN hi kahiN rakhi thi
khushi talashne meiN mujhko zamane lage

jaagkar phir koi tabir na hasil hogi
silsile khwab ke aankho mein sajane lage

Mujhe aziz mere ghar ki mehraab hai

2011-08-18T17:53:00.000-07:00

jidhar bhi dekhiye chehre pe naqab hai
haqiqat ko jan-na ek khwab hai

tumheiN chal ke pat-tharoN pe aana hai
mere ghar ka rasta kuchh kharab hai

tujhe dekhta to shayad chala jata
mukhe rokta phir tera ye hijab hai

qurbaniyoN dekar bhi ham juda juda se heiN
kya kuchh aur baqi mazhab ka hisab hai

ye ooNche burj-o-imara tumheiN mubarak
mujhe aziz mere ghar ki mehraab hai

mila ke haath tamam dost chal diya
na ghamshanas mera koi ahbab hai

zamiN tu na ghoomti to hamsaye kahaN hote
mera mehboob bhi tera aaftab hai

aawaz azaN ki tujhe roz bulati hai
tu aaye na aaye ye tera intikhab hai

khatoN ko likhe aaj zamana hua

2011-08-18T17:37:00.000-07:00

ek khwab safar pe rawana hua
phir ummid ka aaNkhoN meiN sajana hua

behis hai subah-o-sham ka guzar jaana
khwab aaye to khushiyoN ka bahana hua

mere na aane per tum khafa na ho
mukhe khud se mile aaj zaman hua

khwab ka karam ha ki kuchh din se
mere aankhoN meiN neeNd ka aana jana hua

wo alfaz-e-guftagu kahaN se laa'ooN
khaton ko likhe aaj zamana hua

musawwir M.F.HUSSEIN ko mansoob

2011-08-18T17:31:00.000-07:00

Tu chahe jaise meiN waise nazar aaNooN
nafratoN ke samne magar kaise guzar jaaoN

GhaNdhi teri samadhi per sharminda hooN
teri naseehtoN se kaise mukar jaa'ooN

ki doosra gaal bhi dushman ko de dooN
nikale desh meiN meiN kaise ghar jaa'ooN

amn ki kasam ham dono ko khilaayee
meiN tanha us wade se kaise guzar jaa'ooN

jahN teri qurbaniyoN ko per mitti daal di
us zamiN ke canvass per raNdg kidhar saja'ooN

mera mulk aziz hai mujhse na kaho
apne ghar meiN khud ko paraya kar jaa'ooN

jis shahar ko meiN husn-e-raNg diya
nayee musawwiri ,andaz naya dhaNg diya

kaghaz se banaya paiqare simiN
raNgo se paida kiya soz-e-yaqeeN

meri raqskuna tasweereiN jab bolne lageiN
mere khiNche nuqush mooNh kholne lage
kuchh chehre nikal ke mujhe dhooNdne lagein
mera ta'akub karti zok-e-nazar paa'ooN

meri had nahiN mulk ki sarhadoN mein
m eiN zinda hooN kai mulkoN ke marqadoN meiN
takhleeq ke raNgo meiN kahiN maujud hooN
mukhe talash hi loge chahe jidhar jaa'ooN

NahiN rukte imtihaan (N.R.I.)

2011-08-18T17:21:00.000-07:00

nahiN rukte jinke imtihaan
khareedte jutate doosroN ka saamaN

dekho is baar bahan ki shadi hai
wahiN se le aana electronics ka saman

guzistaN baras baDe bhai ki shadi thi
jinki tankhwah kharcho se aadhi thi

ye zimmedari bhi mujjhse hi fariyadi thi
kyuN meri paas hai ye N.R.I. ka unwan

sare fehrist bhar ki marammat bhi hai
abbu ne jiski hidayat ki hai
wo bhi majboor heiN ki retire heiN
theek hai shaadi se pehle theek ho jaye makaN

agle baras chhoti ka university meiN daakhila hai
baDe naseeb se use ye din mila hai
wo kuchh bhi karega nahiN koi gila hai
chhoti hai ghar meiN sabse zaheen-o-farzan

ghar ke mukaddmoN ka kharch abbu uthate heiN
hari bimari ka kharch abbu uthatheiN heiN

per is baar bada lamba bijli ka bill aaye hai
ammi ne chhoti se kahke mujhe phon karwaya hai

salary nahiN mili credit card se bhijwa dooN
khamkhwaH ghar meiN sab hoNge pareshan

yuN is tarah kuchh baras guzar gaye
ghair mulkoN ke din itne tez kidhar gaye'

noor-o-shawab uske chehre se utar gaye
kuchh khwab bina gtute andar bikhar gaye

maaN ko ab bete ki shadi ki fiqr hai
suna hai ghar meiN kisi rishte ka ziqr hai

thoDa ruk ja'o maaN kuchh waqt lagega
ye silsila imtihano ka jane kab rukega
ik uljhan khaDi waqt-e-nadan kar gaya
recession uske jab ka nukcaan kar gaya

ek khwab naNnhe paaNv se chalta raha

2011-08-18T17:14:00.001-07:00

ek khwab nan ne paaNv se chalta raha
mera aqs ghar ke aaNgan meiN chalta raha

meri nazar ka hi nahiN tu ghar ka bhi hai
noor tera har simt chamakta raha

tu roye to ghar meiN khizaN aaye
tere haNsne se gulshan mahakta raha

tere sath khel khel ke meiN bachha ho gaya
mazi ka koi warq yuN palat-ta raha

Tu kya banega ye to hai rab ke hawale
nek o kamyab rahe dil ye dua karta raha

mere seene se lag ke jab tu baaNhe kasta hai
kis suqooN se mera dil dheere-2 dhaDakta hai

jab tak tujhe na choom looN dil nahi bharta hai
gham-e-daura se door, dil tujhse bahalta raha

teri nan-ni uNgliyan mere galoN ko chhuti hein
kitni shararteiN teri aankhoN meiN hoti heiN

tanha bhi tere hoNtho per muskrahteiN rahti heiN
shayad pariyaN tere saath khelti rahti heiN

tera nashv-o-numa achchha ho, e parwardigar
tere 'paalne' se sang,khwab pal-ta raha

teri padaaish ke ab tak ke tamam manazir
teri taareekh-o-tasweer meiN meiN rakhta raha

ki tu jab baDa ho ke dekhega, haNsenga
yuN wat mithi karwateiN badalta raha

koi din teri car meiN peechhe baithuN
ek khwab apni raftar se chalta raha

aaNsu baras ke uske baadal ho jayeiN

2011-08-18T17:10:00.000-07:00

jo likh bhi lo to khat ko bhejna nahiN
ye faasle yuN mukammal ho jayeiN

tareek raat hai tum der na karna
chhat per barah taare na muzmahal ho jayeiN

zamiN kar li meiNe bistar aasmaN ko chhat
chhipa ke chaNd ko daaman meiN taare aaNchal ho jayeiN

ghane baadloN se meine tere nazar ki dua ki
chashm-e-zadan karooN to kaajal ho hayeiN

tere aane se hosh meiN aaye heiN ausaaf
tere jane se pehle kaash ye paaghal ho jayeiN

khushq fiza kisan ki palkeiN na sokh lei
aansu baras ke uske baadal ho jayeiN

ik aur izafa mere gunah meiN hai

2011-08-18T17:06:00.000-07:00

ik aur izafa mere gunah meiN hai
hisab farishtoN ki nigah meiN hai

khudshiyare parasti tu degi kya
barkat doosroN se salah meiN hai

ki jis ghareeb ki tune chhat bhi cheen li
jis ghar ki aaj tu panah meiN hai

raqawat tere husn ka zewar nahiN
noor-e-khuda dushman se nibah meiN hai

tun na aaye intzar palkoN meiN bahta hai
ki ek dariya mere chasm-e-barah meiN hai

ashaN bhi karooN aur bhool bhi jaa'ooN
taqaza yahi husn-e-falah meiN meiN hai

sab kuchh tune jeeta muqaddar ke sikandar
nijat khud ke amaar per fatah meiN hai

mere haal ko puchhne ahbab aaye

2011-08-18T16:58:00.000-07:00

Daaman bhi uska ho gaya hai taNg
gham aaye to be-hisab aaye

gam-e-dauraN ki had ab mukarrar ho
dil to kahta hai inqlaab aaye

raqeeboN ki shirosh-e-yalghar jab thami
mere haal ko puNchhne ahbab aaye

koi aashna bhi unko na pahchan saka
hukmran jo mehfil mein be naqab aaye

sunami aur zalzale ab tham bhi jaayeiN
khudaya aur ab na ye azab aaye

muhabbat ka noor ab hai feeka paD gaya
koi laila aur shireeN ka phir shawab aaye

mere sawaloN ko tumne kar diya darguzar
dil kab se tha muntazir ki jawab aaye

dil ka jo darwaza band hai kab se
tum kaun se dareeche se baryaab aaye

meri dushmani bhi thi kuchh eisee purkashish
kyuN laut kar tum iztiraab aaye

ek nazm qaumi ekta ki zaroorat-RishtoN ke phool

2011-04-20T04:05:00.000-07:00

rishtoN ke phool

ye naam musalmaaN ko yuN hi mila nahi hai
koi do char din ka ye silsila nahi hai

jis qaum ke taaj ajayabgharoN meiN rakhe heiN
hoN unse hi sawal, phir ye sila nahi hai

rukh siyasat ka koi aandhi badal degi
jo hai pak beniyaz,ab tak hila nahi hai

bas apne hi logoN ka hujum na bana'o
ye bheeD hai zaroor,magar kaafila nahi hai

koi pul dono qaumoN ko milata rahe
phir lambe raastoN ka mujhko gila nahi hai

shajar tum laga'o aur paani meiN dooN
bahmi rishtoN ka koi gul khila nahi hai.

PaasbaaN to ek hai

2011-03-26T03:35:00.000-07:00

zamiN alag -2 par aasmaN to ek hai
hoN tareeke alag-2 par allah to ek hai

kitni khubu'eiN bvhkhri haiN is chaman meiN
hai gul alag-2alag par bagbaaN to ek hai

na ja sakogi wapas usi moD pe khaDa hooN
aane aur jaane ka saNgenishaN to ek hai

tum door ho mujhse bahut door hi sahi
talash lunga kisi din ki ye jahaN to ek hai

teri chahat meiN karooN, tu fiqr meri kare
ham mil ke du'a kareiN ki paasbaaN to ek hai

tamam zindagi khatm ho tere paas aani haiN khuda
hoN waqfe alag-2 par kaarwaaN to ek hai.

kuchh lamhe khidmat-e-jafaa ho jayeiN

2011-03-26T03:30:00.000-07:00

tamam din muhabbat meiN guzar chale
kyuN na aaj tumse khafa ho jayeiN

rasme wafa hamne nibhayee hai bahut
kuichh lamhe khidmat-e-jafaa ho jayeiN

ki khud ko samajhne ka silsila to ho
ki aayeene ki dhool ab safa ho jayeiN

ki ham to dil haar ke baithe the chup se
tu nazar milaye to kuchh lamhe nafaa ho jayeiN.

tere kareeb se guzre to marz-e-muhabbat ka dar hai
be-itnaayee teri hampe yuN shafa ho jayeiN

kitab-e-muhabbat ke kuchh warq adhoore hai
jo ho wafa to mukammal ye saf'a ho jayeiN.

Tera na hona, hona bhi hai

2011-03-26T03:20:00.000-07:00

tera na hona, hona bhi hai
teri khushboo se ghar ka aabad har kona bhi hai

mere hothoN ki tabassum tu hi rahi'
tere aansu'on ko meri aankhoN se rona bhi hai

chahat se kab tu aadat bhi ban gayee
qubool nahi kuchh din ko khona bhi hai

guzreNge jitne din tujhse juda ho ke
gin gin ke tere daaman meiN pirona bhi hai

tu sirf pyar ka saagar hai eisa bhi nahi
mujhe us-se bhi hai pyar jo tu na bhi hai

din bhi kitni jaldi-2 tut phut sa jata hai
hai logoN se suna ye khilona bhi hai.

nafrat bhi kuchh saath muhabbat ke chale

2011-03-25T06:03:00.000-07:00

nafrat bhi kuchh saath muhabbat ke chale
kuchh kam hoN khushi aur gham ke faasle

duriyaaN zaroori heiN kuchh rishte nibhane meiN
paas aane se bante heiN kuchh aur marhale

maine to dil ka haal us ruq-qe pe likh diya
ye aur hai paigham tumheiN mile na mile

tum aaj ho masroof, jo kabhi tumko waqt mile
mil ke khatm kareNge kuchh shiqwe aur gile

jo mil gaye to khatm shiddat-e-visaal ho gayee
na mile to intzar ke bahut the sil-sile

jab intzaar ki khoo hamne daal li
ya tum aa'o ya aa jaayeiN zal-zale

hazar aazma ke insaan ko dekha
phat chuke dil ,kab tak koi kaise sile

YE INSAAN KUCHH AUR HAI

2011-03-25T04:25:00.000-07:00

wo jab aayeeiN chahak uthe,tamam gunche mahak uthe
hai chaman meiN hota ghalghala ki ye hawa kuchh aur hai

tere sar pe jo hijab tha, tujhe dekhna bhi azaab tha
bikhra ke zulfoN ko kyuN kaha,ki ye ada kuchh aur hai

ghurbat ne mujhko chun liya, kaaNtoN ne raasta bun liya
ab kaun sa hai imtahaN, rah-e-wafa kuchh aur hai

maine tumko kaha nahiN, tumne bhi kuchh suna nahiN
na samajh sake wo meri nazar, mera hamnawa kuchh aur hai

ghareeb ko kuchh mila nahiN,jo nahiN hai us-se ghila nahiN
bacha ke nazar ko chal diya, ye rida kuchh aur hai

umr bhar jo gunah kiye, na dushmanoN se sulah kiye
kyuN itne aziz haiN ird-ghird, ye jaza kuchh aur hai

khwab aankhoN se bichhaD gaye taare palkoN pe aake chaD gaye
neeNd ne phir aaj daf-atan kaha ki ye sabah kuchh aur hai

tera aana mujhe yaad hai, na jaane ki faryad hai
tera dil kidhar hai chal paDa, tera naqshe-paa kuchh aur hai

teri raah mujh tak na aa saki, manzil ka pata na laga saki
meiN kab se hooN us moD par, tera saNgenisha kuchh aur hai

jo teri raah meiN chal paDe, jahaN sab ruke wo jaa khaDe
kitne mutee'y the kal ke log ,ye insaaN kuchh aur hai

tum mile chup-chup se the, maiN bhi kuchh gumsum sa tha
haNste haiN bas ham kabhi kabhi,jazbe wafa kuchh aur hai

"AADMI"

2011-03-25T04:22:00.000-07:00

"AADMI"

Yun dard-e-jahaN se bekhabar khoya hai aadmi
akhbar bichha ke saDak pe soya hai aadmi

Koi aashaaishoN ke ghar meiN khiDki pe khaDa hai
palkoN pe shab-bedari rakhe khoya hai aadmi

uski khamosh nigahoN mein jhaNk kar na dekh
haNsne ki aarzu pe roya hai aadmi

Nafrat se baNt chuki zamiN pe fasl-e-muhabbat ke
beej ummeed se phir bhi boya hai aadmi

kabhi uske khwab haqiqat ka roop oD leiN
palkoN pe apne armaan saNjoya hai aadmi

misl-e-wafa ki kuchh eisee bhi hai shaql
maNjhdhar meiN laake safina duboya hai aadmi

gham ko chhipaye shaql koi bhi chehre pe chaDa le
apni palkoN ko kai baar bhigoya hai aadmi

itna na aazmaa'o ki kabhi tut bhi sakta hai
isi mitti ka hai bana,nahiN pat-thar ka goya hai aadmi

din bhar mashaqqat karke tere daaman meiN
adhoore chaaNd taate piroya hai aadmi

ghar be-wafayee ki tohmat us per bhi lagi hai
wafa ke pairahan bhi apne khoon se dhoya hai aadmi

har shaql meiN farz-e-himmat samoya hai aadmi
nahiN saamne tumhare tutkar roya hai aadmi

dil ye kahta hai shahar mein wardaat chale

2011-03-25T04:18:00.000-07:00

tum aao to muhabbat ki baat chale
ghar ishq nahiN rashk-o-raqabat chale

ghar ishq nahi mauzu, mashiyat hi sahi
kuchh mulko siyasat pe muzakrat chale

mujhe tumne yaad kiya ya ham tumhein bhool gaye
in duriyoN ki kuchh to wajuhaat chale

jo tum haNso to meiN bhi muskraaooN
phir waise hi jajboN ki saughat chale

tarakki ghareeb ki sadiyoN ka muqaddar hai
qishtoN meiN bhi hoN khushiyoN,to lamhaat chale

muhabbat wa mashiyat tu yuN hi bane rahna
baghair jinke ye kaise kaaynat chale

jo waqt mile to us kaaghaz pe nazarcaani karna
ruki hui ye muhabbat ki darkhuwast chale

"muhabbat hi ka gham tanha nahi ham kya kare"
kuchh aur kareiN ki basre auqat chale

ki ab khamoshi bhi ho to bhi ajeeb lagta hai
dil ye kahta hai shahar meiN wardaat chale

MaaN tumne hameiN kyuN baDa kiya

2011-03-25T04:10:00.000-07:00

kaaghaz bheeg chala hai tumheiN yaad karte likhte
maaN tumne hameiN kyuN baDa kiya

ek taweel arse tak mujhe apne jism meiN rakha
duniya meiN laake aankhoN ke telsim meiN rakha

meri neeNdoN pe jaagkar tune raateiN guzar diN
sabaq duhra duhra ke hamari baateiN saNwaar diN

apni zaat se baDkar hamko nashwo-numa di
khuda tune bachhoN ko kaisi rahnuma di

hamare rone pe roi aur haNsne pe muskrai
maaN tune har ghaDi hampe hi gaNwai

hameiN kyuN itna pyar kiya koi ummeed na lagayee
kya sirf hameiN banane tu is duniya meiN laayee

dheere dheere maaN ham baDe ho gaye hein
tera daamaN pakaD pakaD ke khaDe ho gaye heiN

maaN hamara dil chahta hai teri khidmat kareiN
tune umr gaNwai hai,ham kuchh to zahmat kareiN

meri pyas bujhane tune safa-marwa ke chakkar lagaye
kaise bhookhe pyase qadam us pahaDi pe uthaye

maaN ab meiN baDa ho gaya hooN,per tum nahiN ho
meiN tumhare paaNv dabana chahta hooN, per tum nahiN ho
apni kamai tere haath pe rakhna chahta hooN, per tum nahiN ho
tumheiN apni nazar se duniya dikhana chahta hooN per tum nahiN ho
tumhare daaman meiN khushiyaN laana chahta hooN per tum nahiN ho

jaate waqt bhi tum hameiN yaad karti rahiN
khud pe kam hampe zyada marti rahiN

tum kitni door ho mujhko bata'ogi
kya mujhse milne raat ko khwab meiN aa'ogi

maaN maut se ab mujhe dar nahiN lagta
tere baghair ab ye ghar ghar nahiN lagta

meiN tujhse mile baghair rah nahi sakta
afsos baghair hukm ke koi mar nahi sakta

itni door laake mujhse kyuN khadaa kiya
maaN tumne mujhe kyuN baDa kiya.

naye saal mein tujhse maNgaya hai

2011-03-25T04:06:00.000-07:00

aur ek naya saal phir se aaya hai
daaman ummeed ka phir se failaya hai

sab khushiyoN se roshan hoN,koi gham na guzre
naya koi suraj khuda tujhse maNgaya hai.

gam-e-dauraN ka raag ab aur nahiN rakhna
ek saaz naya rab se hamne maNgaya hai

khudaya umr mere ahbaboN ki aur baDa de
hayat-e-nau ka diya ab maine jalaya hai

khudaya meri umr meiN izaafa na kare na sahi
mere bachchoN ki zindagai ka tujhse hi sarmaya hai

tamam baras rahe ham mashiyat se uljhe
ibadat ka teri waqt, har waqt gaNwaya hai

din, maheene,saal sab tere hi karam haiN
lamhoN ko sadiyoN meiN tune banaya hai

ek asmaN naya de,aur de nayee zameeN
koi rasta naya sa tujhse maNgaya hai

mujhe dukh zaroor dena mujhko gila nahiN
per hausla naya sa tujhse maNgaya hai.

khud se milne ko tarasti jaa rahi hooN.

2011-03-25T03:57:00.000-07:00

Khud se milne ko tarasti jaa rahi hoon.

kitab-e-muhabbat ki dhundhli lakeeroN ke
kore saf'aat se guzarti jaa rahi hooN meiN

zindagi ki khoobrooN sadiyoN se nikal ke
chand lamhaat meiN simat-ti jaa rahi hooN meiN

apni palkoN meiN khuy ko samet leti hooN.
girte aansu si bikharti jaa rahi hooN meiN

mein mein hooN,tum tum ho,ham ham nahiN
ajnabiyon jaise kalimat sahti jaa rahi hooN meiN

teri duniyaN mein rach-bas ke eise kho gayee
khud se milne ko tarasti jaa rahi hooN meiN

mere dil kuchh der mujhe aur tham lena
tere hathoN se nikalti ja rahi hooN meiN

tum to shayar ho tumhara kaam hai tehreer karna
lafzoN ke muphahmat se guzarti jaa rahi hooN meiN

tum sirf mere paas nahiN,mere sath bhi ho
eise jazbat se subho sham bahalti jaa rahi hooN meiN

raah kaaNtoN bhari ho par chalna to hai khuda
tere rawayaat ke rastoN pe chalti jaa rahi hooN meiN

NAWAZISH GHAMON KI LAZIMI SI RAHI

2010-10-23T04:51:00.000-07:00

NAWAZISH GHAMON KI LAAZIMI SI RAHI

ek sher Delhi ke baarish ke nazar

zamiN ki chadar bheegi is qadar
garaz se baadloN ke sahmi si rahi

Chhipa ke dard ko kuchh zyada wo haNsi
laboN pe uske kuchh kami si rahi

na tum mujhe samjhiN,na meiN samjha tumheiN
qasar hamari zaroor baahmi si rahimeiN

charag hooN,taqdeer meri jal jaana
daraze umr meri khushfahmi si rahi

aahat tere aane ki na sun paa'ooN kahiN
dhaDkan dil ki kuchh thami si rahi

tamam khushiyaN na hosh uDa deiN kahiN
nawazish ghamoN ki laazimi si rahi

dukaaN se khilonoN ki wo guzar hi gaya
nigah jeb per kuchh jami si rahi

HAUSLA USKA KHOON ALOOD NA THA

2010-10-23T04:48:00.000-07:00

chahta rahooN tumheiN baad mar ke bhi
pyar mera kabhi mehdood na tha.

tamam zeest usi raah pe chalta raha
nishaN manzil ka jahaN maujud na tha

khuda ke baad ab aur kise chaaheiN
muhabbat tere bina koi mabood na tha

do kapDe aur do waqt ki roti thi
siwa iske us ghareeb ka wajood na tha

pairahan tar tha uska waqt-e-shahadat
hausla uska magar khoon alood na tha.

CHALO KUCHH HADSON KO DUHRANE DO

2010-10-23T04:45:00.000-07:00

na roko aawaz apni aane do
bandh hothoN ko muskrane do

chaloge saath kahaN tak mere ?
ye saath duriyoN ko aazmane do

tere khwab se meri neeNd behtar hai
haqiqat ko saamne mere aane do

parcham uthaya hai inqlaab ka
chalo kuchh haadcoN ko duhraane do

sab theek hai duniya meiN,mein aur tum bhi
bachhoN ko hubbe watan ke fasane do

phool haNseiN aur muskrayeiN kaaNte bhi
fasal kuchh eisee baagwaaN ko lagane do

KAUN KAHEGA YE MEHFIL NAHIN

2010-10-23T04:41:00.000-07:00

KAUN KAHEGA YE MEHFIL NAHIN

koi pat-thar hai dhaDakta dil nahi
koi aur aage ab manzil nahi

khwab ko tarasti koi aankh mar gayee
zindagi se baDa koi sangdil nahiN

kuchh eisee rawayat hai,jisko bhi chaho
na usko jata'o to haacil nahiN

saDak pe baithe heiN kuchh log haNs rahe
kaun kahega ye mehfil nahiN

ye "talkhiyat" meri lagti hai tumko
yuN sach bayaN karta yahaN har dil nahi

firqaparasti hu'ee eisee kuchh nahi pata
baazu meiN baitha, wo "qatil" nahiN

ahsas-e-muflisi se darta hooN gah gah
samandar meiN tairta kabhi sahil nahiN.

tafteesh ho rahi hai aman ke baad

2010-10-23T04:38:00.000-07:00

Tafteesh ho rahi hai aman ke baad

Ye khamosh raat bhi guzar hi chali
na aaye raat phir ghutan ke baad

shahar chup hai,ye phir ghalghala kaise
tafteesh ho rahi hai, aman ke baad

nahiN kuchh hai, mere paas kahne ko
sukhan hi bacha hai,phir sukhan ke baad

chahko,dauDo kuchh aur khel lo
ghaDi na rahegi ye bachpan ke baad

aayee tabassum tere hoNthoN pe phool pa ke
koi zakhmi tha,kaaNtoN ki chubhan ke baad

Ghareeb ki qismat ka yahi silsila rahta hai.

2010-10-23T04:35:00.000-07:00

GHAREEB KI QISMAT KA YAHI SILSILA RAHTA HAI.

ghareeb ki qismat ka yahi silsila rahta hai.
tareekh badalti hai, din wahi rahta hai.

guzar hi jaata hooN, har imtahaN se
maaN ki dua'aoN ka saya kahiN rahta hai.

chaliye ab chor deiN,garoN ki shikayat
ab to shiqwa sabko apno se hi rahta hai.

tamam cheezoN ke baD gaye heiN daam
admiyat ka khoon saste daam bikta hai.

tumse kya kaheiN,ki tumne kiya hi kya hai.?
hai zimmedar jo taane bhi wahi sahta hai.

kis daur ka insaaN hai, bas sunta hi rahta hai.
beqasoor hai phir bhi kuchh nahi kahta hai.

andheroN ke saaye jahaN taweel zindagi kati
dhoop ke dar se ab palkeiNb bhi band rakhta hai.

SaDak pe khatm ho gayee kisi ghareeb ki hayat

2010-10-23T04:30:00.000-07:00

phir aaj ziqr tumhara karti hai raat
aaj kyuN phir aankhoN meiN kat-ti hai raat

pathra gayee hai phir palkoN ko meri
kyuN barf ki tarah aaj pighalti hai raat

mere jaane se pehle kah hi dena
jo aate aate lab pe rukti hai baat

phir aaj tumne myaaN se kheech li talwar
nahiN hamare beech se kyuN hat-ti hai zaat

meri makaaN mein kati,teri bangle meiN guzri
saDak pe khatm ho gayee kisi ghareeb ki hayat

tu nazm nahi,ghazal nahi, hai meri tamam shayri
kitna bhi likhuN tujhe,bharte nahiN saf'aat.

Gham jo mehke to raat ki raani lage

2010-10-23T04:28:00.000-07:00

Dil meiN chhipaye apne gham rakho
gham jo mehke to raat ki raani lage

mujhe maloom hai,nahiN tu hai kissa-go
tera har lafze muhabbat ek kahani lage

Meri zaroorat pe idhar udhar ki baateiN
ye duniya mujhe kuchh sayani lage

school ki kitaab per tere naam ko choom liya
tehreer mere bete ki,uski peshani lage

tamam umr tujhe maaN baap paalte rahe
khidmat unki tujhe aaj pareshani lage

meiNe to uske gham ko sirf suna tha
kyuN usko ye meri meharbaani lage

na aur do mujhe karz ki rab pe chhor do
meri khuddari pe ye ahsaaN qaharmaani lage

Mu'allim khud se baDa nahiN zamane meiN

2010-10-23T04:25:00.000-07:00

Mu'allim khud se baDa nahiN zamane meiN

Tera hi ziqr rah gaya ajnaane meiN
tabsira tera hi tha us fasaane meiN

khwab ghar banane ka poora kaise ho
tamam umr beet gayee rotiyaN kamane meiN

makaN toot gaya, dil chhota na karo
sadiyaN lagtiN heiN,dil ko dil banane meiN

wajah na aane ki batayogi kaise
lagzishe zubaN ho aaj phir bahane meiN

batana bekaar hai,na jab wo seekhna chhahe
mu'allim khud se baDa nahiN koi zamane meiN

jo samajh sake to usko bhi samjha dena
thoDa parhez rakhe hamko samjhane meiN

hijaab ne usko eisee rana'ee di hai

2010-10-23T04:22:00.000-07:00

Tehreer mein teri tasweer dikhayee di hai
meri ghazloN mein teri aawaz suna'ee di hai

uD uD ke wo parinda phir laut aaya
kaisi pyar se labrez usko rihaa'ee di hai

Zewar phooloN ka lagne laga hai achchha
waqt ne muflisi ko jo mehgaa'ee di hai

mana karooN madad ki to kaise karooN
be-basi uski aankhoN mein dikhaa'ee di hai

daaman se tere tujhko mehsoos na karooN
paas rahke tune kaisi judaa'ee di hai

justsu baD jaati hai surat dekhne ki
hijaab ne usko eisee raa'nayee di hai.

Din guzarta hai rastoN ki lambaa'ee meiN

2010-10-23T04:17:00.000-07:00

zamana hu'a hai, aasmaN dekhe hu'e
din guzarta hai, raastoN ki lambaa'ee meiN

hazaroN khyal gher lete heiN use
masroof insaaN hota hai tanhaa'ee meiN

tamam umr tum samajh hi na sakiN mujhe
jaana bhi tumne mujhe waqte judaa'ee meiN

na ho waqte zaroorat tum majaud agar
baad koshish na karna karam-farmayee meiN

koshisheiN kaamyabi ki jo baarha karta raha
yaqeen jaza per hi aaya use husn-e-khudaa'ee meiN

chala tha yalgaar karne dushmanoN ko magar
saamne apnoN ko hi paaya saf-aaraayee meiN

DiloN ko joDne ka muqam sabse aage tha

2010-09-30T11:27:00.000-07:00

Hans ke kaat di tamam umr jis paDos mein
ghar ki neelami meiN wahi awam sabse aage tha.

waqte zaroorat meiNe tumheiN jab yaad kiya
tumhara koi zaroori kaam sabse aage tha.

maaN ke baad koi naam mujhe aata nahi khuda
magar uske hoNtoN pe tera naam sabse aage tha.

kaam,aaram aur ibadat ki jab baat chali
nawab sahab ko pasand aaram sabse aage tha

aa'o dhooNdhe tumhara wafadaar kaun hai
bebafai meiN tujhse tera naam, sabse aage tha

hacil nahiN kuchh bhi,sab haacil karke
diloN ko joDne ka muqam sabse aage tha

yuN to shikwe dostoN ke har waqt karta raha
waqte madad wahi naam sabse aage tha.

MaaN to sirf dua karti hai.

2010-09-30T11:21:00.000-07:00

Rahe ghaltiyoN pe laakh khapha
maaN to sirf dua karti hai

is garmi mein so hi gaya ghareeb
kitna khayal uska hawa karti hai

tum tum ho,tumhare akhlaaq se
tumhari pehchan yaqta karti hai

safar khatm hai, magar jaan lo
faisla manzil ka lagzishe-paa karti hai

chiraag kitne jala'o magar khayal rahe
acer taarikiyoN per sirf hawa karti hai

gunah itne karo ki hisaab rakho
tumhari aulaad wo karz ada karti hai

kisi ghair laDki ko apne saath rakho
kamaal aazadi qubool-e-niqah karti hai

main mana'ooN tujhe kitni der tak
faisla tere ruthne ki ada karti hai

talaqshuda hai wo ye jaanti hai magar
ab bhi unhi rasmoN ka nibah karti hai

tamam umr tumne maaN ka khayal na kiya
tumse rukhsat meiN wo is-se riha karti hai

doodh ki nahreiN na khod sake na sahi
shereeN magar ik is dil meiN raha karti hai

shaghal khatm hai.,ab ghar ko laut chalo
shareeq-e-hayat tumhare intzar saha karti hai

bana lo jitna ooNcha makaN jo chaaho
hudood-d-qabr ka nishaN khaaqda karti hai

diya ibadat ka jala gaya koi

2010-09-30T11:15:00.000-07:00

khwab dekar, jaga gaya koi
kisi ke khyaloN mein laga gaya koi

wo ajnabi chala gaya eise
wajood lekar saga gaya koi

na ho udas,hawayeiN to aati heiN
baDa ke haath phir jala deeya koi

aane ke tere wade pe dauD jaati hai
mere chehre pe phir zia koi

kitni raunaq hai uske aaNgan meiN
diya ibaadat ka jala gaya koi

2010-09-24T11:43:00.000-07:00

phir se mujhko pukarte ho tum
bikhre wajood ko saNwarte ho tum

pyar dil meiN hai,chup kyuN ho
sach ko kaise nakarte ho tum
sare din mujhko hi yaad karte ho
din ye kaise guzarte ho tum

ho tum hi jab mera sara wajood
mujhko kaise sarahte ho tum
bas gayee hooN, sukhan meiN tumhare
lafz kuchh eise nikalte ho tum

Itni mukhtasar na thi guftagu pehle

2010-09-24T11:40:00.000-07:00

itni mukhtasar na thi guftagu pehle
ya tum badal gaye,ya ham badal gaye

awaz-e-betakalluf kho gayee kahaN
andaz dosti ke kyuNkar saNbhal gaye

tanha taweel raat ki subah hu'ee eise
suraj se os ke qatre pighal gaye

wo dostoN ki baateiN andaz-e-sukhanwar
jaane kahaN tumhare ahsas-e-ghazal gaye

aa'o ki ek doosre se shiqwa hi kar leiN
is se pehle ki kahiN door aap nikal gaye

BaNtwaara-haweli ka

2010-09-24T11:37:00.000-07:00

BANTWARA

Haweli ko ghar mein badalte hu'e dekha
khaandan ki khushboo ko bikharte hu'e dekha
shokh aawazeiN jis sehan meiN gooNjti thiN
khaamosh khala'oN meiN utarte hu'e dekha

deewar ghar ke beech eisee ki khaDi
sahamti shu'aoN ko larazte hu'e dekha

ye chhat hai meri, wo hai tumhari
sooraj ki roshni ko baNt-te hu'e dekha

deewar mein koi ek khiDki bhi na rakhi
bachchoN ko jhaNkne se taraste hu'e dekha

jaaydad ka baNtwara , wo to hona hai
rishtoN ko meiN kyuN baNt-te hu'e dekha

manglore plane crash

2010-09-24T11:28:00.000-07:00

dhaDkaneiN dil ki baDti jaati heiN
kaafi dino ke baad wo des jaane wala hai
khushi ke rang chehre pe aaye jaate heiN
kaafi dinoN ke baad wo des jaane wala hai

kis kis ke liye kya-2 kharedta jaata hai
tasawwur gharwaloN ka karke muskrata hai
bahan ke liye zewar,abba ke liye kurta
ammi ki ja-namaz,bhai ke liye joota
mamu ke liye ghaDi, chacha ke liye mobile
chhoot na jaye koi, sab deNge dalayal

des mein dil hai, perdes mein daulat
karta hai wo mehnat,mulk mein aur hi shauhrat
shadi bhi karne wala hai, khud apni badaulat
bibi se bhi milooNga, bas kuchh dino ki mohlat

qudrat ko ye manzoor shayad na tha
zameeN pe utarte utarte wo plane crash ho gaya
hujoom armaanoN ka dhamake meiN kho gaya
manzar-e-dil dahal per aasmaN bhi ro gaya

baahar airport ke intzaar se takti bahut si aankheiN
sunkar haadce ki khabar per gooNj uthiN cheekheiN
barriyer toDte, doDte sab runway pe aa gaye
ya khuda musafir aane wale jane kahaN gaye

khatm ik safar hua tha, shuru doosra ho gaya
jo des aane wala tha, kahiN aur ka ho gaya
wo is jahaN-e-faani be nishaN ho gaya
samaan uska saara kidhar kahaN kho gaya

2010-09-24T11:21:00.000-07:00

MERE WALID,MEIN AUR MERA BETA--kal aaj aur kal

mera beta mere seene pe sar rakhkar let jaata hai
ek guzishta manzar mein tumheiN yaad karta hooN

sard-o-sangeen raat,jab wo kambal khol deta hai
ya bure khwab se jaagkar aankheiN khol deta hai
bistar ko uske durust karte aur hausla baDate
aasmaN pe muskarate, meiN tumheiN yaad karta hooN.

mera beta jab "you r the best father" kahta hai
hoo-bahoo kaise ye manzar rahta hai
kudrat muskrati hai aur jab bhi ye duhraati hai
e guzishta manzar mein tumheiN yaad karta hooN.

tumhari ukharti saansoN ko meine baarha dekha hai
raatoN ko tumheiN jaagte meiNe baarha dekha hai
dard chhipakar muskrate meine baarha dekha hai
khud bete se wahi duhraate mein tumheiN yaad karta hooN.

tumhari shohrat,ishrat, izzat wa karamfarma'ee
us ghar ki jisneiN alag pehchaan karwai
wahi raah tumne hamko bhi dikhlaa'ee
usi raah pe use le jaate meiN tumheiN yaad karta hooN.

tumhare nashwo-numa per meiN aaj kisi laayaq hooN
safed qameez per lage tumhare qalam ka mustahiq hooN

(mere walid meri chhoti chhoti qamyaabi per ek qalam diya karte the)[/b]
ek aur shaabashi ki faryaad karta hooN
ek aur qalam de do, mein tumheiN yaad karta hooN

2010-09-24T11:06:00.000-07:00

NOOR-E-NAZAR TUM BADE HO GAYE HO
( sabke betoN ke liye)
tumhaari peshani mere hothoN tak hai aa pahunchi
Noor-e-nazar tum baDe ho gaye ho,

The larazte nan-ne paaNv ye tumhare
aankhoN meiN shokhiyaN laboN pe anginat sitare
chal ke do qadam gire god meiN hamaare
manazir eise kai meine aankhoN meiN saNwaare

chhoti chhoti si thandi uNgliyaaN tumhari
lams mere gaaloN ko karte the abr-paaree
ibn-e-aadam tumhara paasbaN heiN farishte
khuda muhahiz hai tumhara, tum rab ke ho sahare

tum aqs ho mere ye zamana kahta hai
tumhare seene ke kuchh qareeb mera dil bhi rahta hai
par bete mein hooN ahad-e-guzista,tum ahad-e-nau ho
hooN anjum meiN doobta sa tum kal ke ho sitare

mujhe marghoob hai, tabassum tere hothoN ki
kuchh khwab sajaati hai, paidaa'ish betoN ki
meine jagah banaee thi tumhare karwatoN ki
dab na jaaye mujhse nan-ne paaNv kahiN tumhare

bose per mere tum sharmane lage ho
seene se mere lagne katraane lage ho
utna hi tumheiN pyaar mein ab bhi karta hooN
ki tumpe jaaN-nicaar mein ab bhi karta hooN

is nasheman se hamare uD na jaana kahiN
ye ghar hai tumhara chale na jaana kahi
Nnan-ne paaNv ko laDkhaDate tumheiN chalna sikhaya
beshak tum apne paaNv pe khaDe ho gaye ho.

NOOR-E- NAZAR TUM BADE HO GAYE HO.

(i have become personal here)
tumhare baDa hone ki meiN du'aaeiN kar raha hooN
per kis anjaane khauf se meiN yuN dar raha hooN
tum mere dil aur apni khwahishoN ke beech khaDe ho gaye ho
noor-e-nazar tum baDe ho gaye ho,

meiN chaahta hooN tum baDe aur jaldi ho jaa'o
mein tumhare badalte rukh ko dekh sakooN
ham-qad jawaan bete ke sukh ko dekh sakooN
rida zimmedariyoN ki oDte tumheiN dekh sakooN

tere dil ko mujhe maaf karna itna toDna chaahta hooN
tere mazboot baa'zuoN meiN dam toDna chahta hooN
nizam-e-hasti ko jhuthlane meiN itne kaDe ho gaye ho
noor-e-nazar tum bade ho gaye ho.

A picture down the memory lane

2010-05-13T15:34:00.000-07:00

THEATRE DAYS IN A.M.U.1988

the memories which are saved in my "HEART DISC "

After participating in All India Drama competetion from Pathankot (punjab), when we came back to Aligarh.

UMMEED

2010-05-06T11:37:00.001-07:00

UMMEED
(PUBLISHED IN A.M.U.DIRECTORY DUBAI,2009)

diye ummeed ke phir bhi jalaye rakhiye
dosti ghar na sahi rishta banaye rakhiye

purane zakhmon ko to tum bhoolne se rahe
naye wadoN pe bharosa banaye rakhiye

baahar darwaze pe dhoop sisakti na rahe
ghar ki deewar pe dareeche banaye rakhiye

safar mein jaane ka saman to tum bandh chale
apni palkon pe maa ki du'ayen rakhiye

mujhe azal se ta-abad tak tumhari zaroorat hai
meri umr ko apne saath milaye rakhiye

mein door hoon tumse ye saza kaafi hai
wapas aane ke imqaan banaye rakhiye

mera andaaz-e-bayan sirf mera apna hai
apni tahreer ko khud se milaye rakhiye

itna masroof na kar khuda koi milne na paye
soone ghar mein kuch mehmaan bulaye rakhiye

---abrar ulhaq

A nazm on Switzerland

2010-05-06T11:28:00.001-07:00

SARZAMEENE SWISS

Sarzameen-e-swiss tu khoobsurat kis qadar hai...

Barf se safed kuhsaar, chaaNdi ki deewareiN
heiN jinki qadam-bos nahr-e-Geneva ki lehreiN

JUNGFRAU jahaN europe ki chhat hai
TITLES ki pahaaDi bhi sharte shuja'at hai

WaadiyoN ki umak roohfarsaa hai jahaN
abr-paare se qishte barf purfashaN hai jahaN

INTERLAKEN ki khamoshi meiN suqooN barpaa hai
shor nahiN jismeiN har sadaa ham nawa hai

Barf-aagi zameen,qisht-e-barf raheiN,aasmaN barf sa
sab safed-o-shaffaq hai maaN ke aanchal saa

Shar-e-BAHNHOFF Zuric ki jaan hai
a shahar-e-nigaNra tu koi aur jahaN hai

dhoop,hawa,bahareiN sab rang-o-noor fishani
LUCERN ke ooNche pahaD heiN kahkashaN ki peshani

Lagzishe barish se barhaa bhigti saDkeiN
Zere aab aqs aankhoN se niharti palkeiN

beparwah barf hare peDoN meiN atak jaati hai
aabo taab se apne safed phool se ban jaati hai

PhooloN ki qataaroN se khushbuyoN ke raste heiN
ye rang fishaN jaise muskra ke chalte heiN

AabsharoN meiN jiske mosiqi ka safar hai
Ye khoobrooN nazare koi andaze sukhanwar hai

Sarzameen-e-swiss tu khoob kis qadar hai.

Shahar-e-nigaNra--mahbooba ka shahar
Aabshaar -- Waterfalls

abrar ulhaq

qafas ki zanzeeroN pe ghuroor aa gaya kaise

2010-05-06T11:26:00.000-07:00

QAFAS KI ZANZEERON PE GHUROOR AA GAYA KAISE

pahla sher un kaanton ki nazr jihne murjhane ka khauph nahi hota,lekin jab phool nahi rahte to kaante akelapan mahsoos karte hein

Zahe naseeb tumhein murjhane ka khauf na tha
bahar aayee to rang-e-noor aa gaya kaise?
khiza aayee to ahsaas hua kaanton ko
saath rahne ka sha'oor aa gaya kaise

khuda sirf tera karam hai ki mein manzil pe hoon
mein ghareeb tha to phir itne door aa gaya kaise?

maaf kar di zamane ne khatayen meri
rahamdili pe ye dil maghroor aa gaya kaise

tumne hi to kuchh pahle tark-e-ta'aalluk kiye
bebafai ka mujh par kusoor aa gaya kaise

us aphlaak-nashin ko muhabbat bhi rahi hogi
mere ghareeb dastarkhan pe zaroor aa gaya kaise

khuda tu bada wasee hai,ham sab ka rahim hai
mein yateem kahan hun ye tasawwur aa gaya kaise

ye tera hi karam hai,khalifa-e-arab mein kya dam hai
weeran shab-o-arab mein noor aa gaya kaise

ki teri paayal ke tasawwur ne aasaan kar diya
mujhe qafas ki zanzeeron pe ghuroor aa gaya kaise

abrar ulhaq

khwaboN ko khwab rahne do

2010-05-06T11:25:00.001-07:00

Khwabon ko khwab kuch aur rahne do
Inamon pe naqab Kuch aur rahne do

Ye saza mere gunahon ke liye kaafi nahin
Thode din ye azab kuch aur rahne do

Tumne teer talwaron se ladke bhi dekh liya
Ab mohabbat ka intakhab kuch aur rahne do

Is sarzameen ke tukde to tum barha kar chuke
asmaano pe mehtaab kuch aur rahne do

Hamne aashiyane banaye kuch nasheman bhi toote
us jungle ko sabz-o-shadab kuch aur rahne do

itni jaldi-jaldi tum mujhse mila naa karo
is dil ko yun betaab kuch aur rahne do

Saare safe bhi uske tum pad lena phir kabhi
band raz-e-dil ki ye kitab kuch aur rahne do

maana ki mere ghar mein namaazein kam ada hu'een
mere chhat ki ye mehrab kuch aur rahne do

Andhere ho gaya to parchhai sath chod degi
mere saaye ko aftaab kuch aur rahne do

Phool tod liye magar ab bhi hai baqi
chaman mein khushboo-e-gulab kuch rahne do

tamam dariya aakhir mein samandar se milne hain
baha lo nafraton ka sailab kuch aur rahne do

beparda chehre pe haya aa hi nahin sakti
bandh aankho pe hijab kuch aur rahne do

mere kamzor haathon ko taqat nahin na sahi
Hai in aankhon mein inqalab kuch aur rahne do.

TU

2010-05-06T11:24:00.000-07:00

mein bekhauf din hoon ya muskrati sham koi
mera har pahar hai tu,meri sham hai tu

meri har nazm ke seene mein tera aqs hai
mera takhallus tu mera naam hai tu.

mera hijr tu,mera visaal tu
mere har khayal ka khayal tu
meri ghazal tu,meri nazm tu
tu hi tanhai meri, meri bazm tu

meri manzil hai tu,meri raah tu
har aarzoo se zyada meri chah tu
meri har khushi ki panah tu
meri har nazar pe nigah tu

meri aarzoo'en hein bepanah
har panah ki panahghah tu
kyun tujhse juda hoon ghamzada
meri phikrogham ki parwah tu

meri har khushi ki wajah tu
mere phikrogham mein salah tu
kabhi paas tha,kabhi raha mein door
mere har rishte ka nibah tu

tujhe bhoolkar,tujhe yaad kar
tujhe chhookar,tujhe maangkar
mere aarzuon ki raza tu
mein hoon bikhra hua, phir sajaa tu

tu bahar hai meri zeest ki
aur sab bahaaron ki fiza tu
meri mehfilen hai raaynga
de tanhaiyon ko saza tu

mere har dard par sada tu
meri har chubhan par aah tu
mere har din ki subah tu
mere raat ki deed-o-maah tu

mere qafas mein aati sabaa tu
mere har ghalat par wafaa tu
mujhe khatm kar,mujhe maar de
khabhi to ho ja khafa tu

ye tera zok-e-nazar hai, ki meiN hooN

2010-05-06T11:23:00.000-07:00

Ye tera zok-e-nazar hai ki meiN hooN
tu hi pas-e-manzar hai, ki meiN hooN

tu gulfishaN hai is neeli fiza meiN
tu had-e-nazar hai ki meiN hooN

meiN khudi se nikalkar kaha jaa'uN
tu hi azm-e-safar hai ki meiN hooN

mere alfaaz tere khayaal ke muhtaj rahe
tu hi taffaqqur hai ki meiN hooN

aaftab haNsta hai, os muskrati hai
tu rang-e-sahar hai, ki meiN hooN

meri shab-e-khamshaN meiN tujhse hai kahkashaN
tu hi mah-o-akhtar hai, ki meiN hooN

khud ko talashte ghar apne hi aata hooN
tu hi ahle rahbar hai ki meiN hooN

is gulshan-e-hayat meiN meiN hooN khizadeeda
tu hi barg-o-samar hai, ki meiN hooN

meri saari kaawisheiN heiN tujhse hi afroz
tu ahd-e-sukhanwar hai, ki meiN hooN

meiN hooN besada tere baghair e khwab-e-tarab
ye tera pari packer hai,ki ghazal hai, meiN hooN

tere baghair nazmoN meiN ruh-e-khushboo nahi aati
tu ood-o-ambar hai, ki meiN hooN

mere hamsafar,meri rahguzar, meri har wajah
tu khud se bekhabar hai ki meiN hooN

MANGETAR KA AAKHIRI KHAT

2010-05-06T11:22:00.000-07:00

Bas gaye jumle tere is ahsaas ki tarah
meri iflaas zindgi meiN gauhr-o-almaas ki tarah

ik lafz ke saath 'ki khariyat se aa jaao'
khat-e-aakhir ke ta-abd alfaaz ki tarah

kitni justsu thi tumse tumheiN maNgne ki
dil ufaq meiN tha,rooh parwaaz ki tarah

tamam dauran-e-safar meiN meiN sochta rah jaoonga
hogi tum hu-bahu khatoN ke andaaz ki tarah

kaisa hisaar thi wo teri masoom dua
baarat ke muntazir mehmaNnawaz ki tarah

jahaN mera mahkati rahi khushbu tere khatoN ki
shaguftgi meiN kahiN jazb anfaaNs ki tarah

har khat ka tera khwab mere khwab se milta tha
ham khwab meiN bhi the hamnawaz ki tarah

tere khatoN ne raatoN ko kahkashaN banaya
tareekiyoN se beparwah,beniyaaz ki tarah

Meri muflisi ko meri saltanat bana diya
saf-e-qirtas pe likhke ek sartaaj ki tarah

par khatm khatoN ke ye silsile ho jayeNge
meiN tum saath hoNge,ye khat akele ho jayeNge.

Ghar ke aaNgan meiN bachchoN ko ghutan hone lagi hai

2010-05-06T10:59:00.000-07:00

Subah ka warq palta,sham tehreer hu'ee hai
raat phir shabnam se apne daaman dhone lagi hai

ik kiran dareeche se subah subah aayee hai
neeNd jaagkar apne pairaahan khone lagi hai

inqlaab aaya tha,phir inqlaab aaya hai
kuchh nayee jaaneiN phir nazre-watan hone lagi hai

(for human bom)
tum khud ko khatm karke mujhko maar daaloge
kuchh begunahoN ki umr kam daf-atan hone lagi hai

kya kareNge shia-sunni aur firqa-parasti
ishq aur insaan meiN lagan hone lagi hai

tum mujhse na milo,kuchh aur theHar jaa'o
nazm mere intzar ki,apna wazan khone lagi hai

(jo bachche ghar choD jaate heiN)
koi aur hi talash-e-sehan hone lagi hai
ghar ke aaNgan mein bachchoN ko ghutan hone lagi hai

phir aaj karke dekheiN rasm-e-mooNh dikhaa'eeyan

2010-05-06T10:57:00.001-07:00

Tujhko mujhse roothe ek waqt ho chala haiaa
mil ke khatm kar deiN ye be-itnaaeeyan

tanha nahi laDna tujhe gam-e-dauraN se
mil ke ham kareNge saf-aaraaeeyaN

tere gusse ki mujko aadat si ho chali hai
kuchh sath chalne dena jalwa-farmaeeyan

kya pehle hi ke jaise heiN ham saath rehte rehte
phir aaj karke dekheiN rasm-e-mooNh dikhaaeeyan

saare ash'aar mansoob tujhko kyuN karooN
abrar aur bhi heiN jahaN-aaraaeeyaN

khuddari meri mujhko kuchh na de saki
zamane ko hai pasand meri jabeeN-saaeeyaN

teri aawaz tere mazhab se na nikle
insaaniyat ki hoN ham-nawaaeeyaN

be-alfaaz ho chala hooN phir aaj likhte likhte
phir aaj kuchh karooN, kuwwate-aazmaaeeyan

gam- zyada ho chale heiN e aflaaq nashiN
tu karte hampe rahna karam farmaaeeyaN

yadoN ke tere warq dhundhle na hoN kabhi
chashme zadan se pahle rahe roshnaaeeyaN

chup ho jaata hooN samajh ke unke ishaare
mere bolne pe begum ki chashm-numaaeeyaN

saf-aaraaeeyaN--morcha bandi
be-itnaaeeyaN- - berukhi
jabiN saaeeyaN- matha ghis kar salaam karna
ham-nawaaeeyaN- ek si zubaan
jahaN-aaraaeeyaN- jahan ki khoobsurti
chashme numaaeeyaN- aankheiN tarerkar dekhna
chashme zadan- palak jhapakna

Chal ke baadloN se hilal eise guzra

2010-05-06T10:56:00.001-07:00

har sham tera khayal eise guzra

tere baghair rang-e-jamaal jaise guzra

kati har shaam intzar mein tere

tera mera visaal eise guzra

ghar mein ghareeb ke roshni kar hi gaya

chal ke baadloN se hilal eise guzra

meri taraqqee teri du'aaoN ki muhtaj rahee

du'aaoN se maaN ki waqt-e-zawal eise guzra

tere aansuoN ki qeemat ada meiN hi karoonga

khwahish-e-gham ka har malaal eise guzra

munazzim kar diye musalmaN sare ek jagah

huqumat-e-hind ka ye kamal eise guzra

meiN tujhse door hooN baghair khata ke mere

meri muhabbatoN pe ye sawal kaise guzra

talkhi ko meri sheeriN zabaN di tune

sukhan mera khushkhayal eise guzra

abrar ulhaq

Raat khoobsurat hai,neeNd kyuN nahi aati

2010-05-06T10:55:00.001-07:00

Raat khoobsurat hai, neeNd kyuN nahi aati

baghair tere umr meri,kyuN guzar nahi jaati

mere saath ko taDapta hamrah wo raha

kyuN zindgi meri kuchh aur thahar nahi jaati

deewangi ko meri, kamzori samajh liya

samajh use muhabbat ki kyuN magar nahiN aati

sakhawat ki raahoN pe kuchh aur tum chalo

karamfarmayee logoN ko yuN nazar nahi aati

har sahar ka janm hai raat ki qabr pe

kyuN subah ke aane pe neeNd mar nahin jaati

taarikiyoN ko raat ki tanha jhelna mujhe

baghair sahe dukhoN ke rang-e-sahar nahi aati

na karwaN hi banta,na manzileiN hi miltiN

awam saath meiN tere azm-e-safar nahi aati

tafseel teri berukhi ki khatm kar hi paata

teri zulf meri aankhoN pe yuN bikhar nahi jaati

ruk gayee qalam meri waqt dekh dekh ke

takhleeq raat bhar se puracer nahi aati

koshisheiN heiN raaygaN tujhko dhoondne ki

kai dino se khud meiN khud tu nazar nahi aati

tera khayal sare bali hai,kyuN aashuftahaali hai

subah na aaye behtar hai,tu agar nahi aati.

abrar ulhaq

Aafat gale paDi hai usko nibha raha hooN.

2010-05-06T10:54:00.001-07:00

Aafat gale paDi hai, usko nibha raha hooN.

Gyaarah baje heiN subah ke,
madam ji so rahi heiN.
bachche khaDeiN hein bhooke,
naashta bana raha hooN.

bistar se jo uthiN, jaa baithi computer par
ghoora hai mujhko eise,ki chaay bana raha hooN.

rakha hai naam jisne, sahi rakha hai 'FRI' DAY
Begum ki cooking se chhutti,mera hai aaj 'TRI' DAY
kahti heiN sar meiN dard hai, phone par busy heiN
har aadhe ghante kitchen meiN,khud 'FRI' hota jaa raha hooN

boli ek din "mulk pe likhte ho,siyaasat pe likhte ho
barg-o-samar pe,phooloN ki nafasat pe likhte ho
idhar dekho meiNe baaloN pe colour karwaya hai
ye rang-e-zulf ka hi tumhari adhoori zulfoN pe saaya hai

meiNe dheere se kaha "ya khuda mujhko rahnumai de
zulfoN ko hatakar, aankhoN meiN roshnai de
kaaghaz bhi mere paas hai, syahi bhi mayassar
warq paDa hai saada, meiN sar khuja raha hooN.

F.M. par sun rahi thiN, ghazal MeNhdi hassan ki
boli ki ye batao, "likhi hu'ee hai kiski?
shaayar nahiN tha maloom,
sar khuja raha hooN
boli shayar bane ho firte, koi sher phir na kahna
sherni hooN meiN bhi, ye yaad ab se rakhna

aate heiN phone ghar se,"aaye nahiN kyuN ab tak"
traffic meiN car phaNsi hai,meiN horn baja raha hooN.

jaana hai hamko baahar,bibi heiN aayeaine par
tayyar khaDa hooN kabse, chaabi ghuma raha hooN.
T.V. ke kisi serial par sanjeeda lag rahi heiN
apne hi lateefe par, khud muskra raha hooN.

wo Mall meiN ghoom rahiN heiN,meiN trolly liye hu'e hooN.
trolly meiN pheNkti cheezeiN, meiN kareene se saja raha hooN.
wo karti jaati heiN "shopping"
meri hoti jaati hai "Chopping"

MeNhgaayee ki maar se mujhe dar tha na kabhi gila
baDte kharchoN se bibi ke, maara jaa raha hooN.

kaha jo meiNe ek din "Recession" chal raha hai
boli chupp raho, shopping ka "occasion" chal raha hai

kabhi gussa bhi karooN, himmat juta'ooN kaise?
maahir hooN 'marshal art' ka, 'Belan' pe jaaN gaNwaa raha hooN.

abrar ulhaq

KABHI KABHI

2010-05-06T10:53:00.001-07:00

Kabhi soz-e-muhabbat hai,
to jashne bahara hai kabhi kabhi
kabhi mauj-e-hayat aafri hai,
to sukuN aaNwar kinara hai kabhi kabhi

nigahoN ki hararat se tapak jaata hai
teri aankh se girta,sitara hai kabhi kabhi

kabhi garmi se tere haathoN ki dhaDak jaata hai
soye dil meiN harkat ka sahara hai kabhi kabhi

kabhi rang diya tere haathoN ki meNhdi ne
kaynat ke tamam rango ko sawaNra hai kabhi kabhi

kabhi tujhko meri hi nazar na lag jaye
tere la-ilm meiNe sadqa utara hai kabhi kabhi

kabhi dhoop chandni se lage teri palko ke saaye
teri aankh se chaand ka nazara hai kabhi kabhi

kabhi hooN lab-basta ki,ghar ki hai kahani
shabnam hai tu agar, sharara hai kabhi kabhi

kabhi dil se pyar karne hi lagegi
khushfahmi se hai apna guzara kabhi kabhi

abrar ulhaq

MaaN ka intzaar

2010-05-06T10:52:00.001-07:00

shabnam uski aankhoN se girkar sookh gayee hogi
un gulaboN ki saans phir aaj ruk gayee hogi

tere intzaar ki chaukhat pe khaDi maaN ki aankheiN
dekhkar jise deewar ghaDi ruk gayee hogi

itna qad-o-waqt lamba na kar pardes jaane waale
buDi hoti maaN ki kamar aur jhuk gayee hogi

teri khush-haali mujhe aziz hai par tu kahaN hai beteye
eid bhi tere baghair khushk gayee hogi

teri ek aah hi kaafi hai teri maaN ke liye
hook maaN ki zameeN se uphak gayee hogi

maaN teri mamta ke ham ab bhi karzdaar heiN
kaise kah dein ki ye qist chuk gayee hogi

apne ghamoN ko maaN ki ungliyoN pe rakhna
tere hisse ki dua kabhi na maphlook gayee hogi

maphlook--disappointed

abrar ulhaq

Us laDki ki shaadi

2010-05-06T10:50:00.000-07:00

UN LADKIYON, CHHOTI BAHNON KE NAAM JINKI SHAADI KAM UMR MEIN KAR DEE gayeeN

US LADKI KI SHAADI

YuN khwab sa lagta hai sara manzar
meiN bachpan se jawani meiN ghuzarti hi rahi
in khwab aalood aankhoN meiN rahi bedaari
neeNd mujhse har raat ulajhti hi rahi.

Kabhi jagti aankhoN se sitaroN ko talasha hai
ghane baadloN se taroN ka pata poochhti hi rahi
door khamosh wo veeran sa jhoola hai
apni doli meiN baithkar jhijhakti hi rahi

meiN bachpan thi,mohabbat ka,faraa'iz ka,samaj ka
eisho-aaram ke nateejoN pe bahalti hi rahi.

meiN ek khushboon hooN,faza hooN,ahsas-e-jamaal hooN
sazeena-e-jazbaat hooN,shaayar ka khayaal hooN
meiN dosheeza hooN,faroza hooN,aks-e-hilaal hooN
kahkashaN hooN,mahwash hooN, mohabbat ki micaal hooN
shaayroN ki paheli hooN, ya seedha sa sawaal hooN.
kudrat ka kamal hoon, ya chaahto ka visaal hooN.

.................in tamghoN se mere bachpan ko na paamal karo
meiN khelna chahti hooN,mera khayaal karo

mera nachta bachpan subah ki dhoop sa tha
mera chhota sa aangan mahlo roop sa tha

sab naz uthate mere,meiN kuchh hukmraani thi
koi sha'oor tha na mujhmeiN,bas itni syaani thi

meiN ek shahzaadi thi,apne khayaaloN ki
aur ek lo thi firdos-o-mashaaloN ki

mera koi lahjaa na baatoN meiN atakta tha
beparwaah libaas ka daaman na simat'ta tha

meiN kisi zardaar ki na khwahishmand thi
aur mustaqbil-e-zaree ki meiN na paaband thi

mere aanchal meiN sitaare nahi poori chaandni thi
bas na koi aur dua mujhko maangni thi

imthanoN ke nateeje par mein jhoomti rahi
har kaamyabi paake meiN phoolti rahi
baarish idhar udhar beperwah ghoomti rahi
jhoole pe jaake pehle se meiN jhoolti rahi

raat ke roophale khwaab bhula rahe heiN mujhe
subah ke ajnabi khayal bula rahe heiN mujhe

tum koun ho tumhaara zikr baichen karta hai
tumheiN na jaan'ne ka dukh baichen karta hai
tabinda kirnoN ko shab-rang na banaya karo
baghair ijaazat mere khwaab meiN na aaya karo

rasmoN riwaaj ke bhaari andaaz nahi aate
kaisi vidaa hogi mere aaNsoo nahi aate

hina ke raNgoN se mera tawaa'ruf nahiN
bachpan ke pahar jaisa koi maa'ruf nahiN
shaam ke suraj ki dhoop munderoN tak hai rah jaati
kya meiN kuchh aur din roshni meiN rah paati

naye rishtoN ki fehrist mujhko thamaa dete heiN
naseehtoN ke bojh mere daaman meiN sama dete heiN

meiN bint-e-mariyam hooN, aur aks-e-zulekha hooN
aamal-e-haajra hooN, aur tehzeb-e-zubaida hooN
................meri saadgi ko itni buland aawaz na do
mere bachpan ko kam karke umre daraaz na do

khawaaboN ko khwaab kuchh aur rahne doi
naamoN pe naqab kuchh aur rahne do

mujhe safed paNkhoN se baadloN pe chalna hai
sunhari baloN meiN ghulabi malboos saNwarna hai
ghar ke aaNgan mein kuchh aur khilkhilaana hai
baarish ko nichoD ke kuchh aur rimjhimaana hai

bina khushboo ki hawayeiN mujhe achchhi lagti heiN
chhat ki chiDiyoN ki sadaayeiN mujhe achchhi lagti heiN
saheliyaN bewajah haNsaayeiN mujhe achchhi lagti heiN
jo wajah na dhooNd laayeiN muche sachchi lagti heiN.

ye bachpan ka mausam, bahaar ka mausam hai
e khaliq-e-kaunen saare saNsaar ka mausam hai.

MeiN haNsti thi, tab bhi haNsti thi,ab bhi haNsti hooN
meri mehboob haNsi mere saath haNsti rahi

YuN khwaab sa lagta hai sara manzar
meiN bachpan se jawaani meiN ghuzarti hi rahi.

abrar ulhaq

DIL DARTA HAI AB HAR NAYEE BAAT SE

2010-05-05T11:33:00.001-07:00

Dil darta hai ab har nayee baat se
har shaam phir tumse mulakat se

rasm dar-kinaari ki nibhaa'uN kab tak
zabt phir tutega tumse sawaalat se

din to kat hi jaata hai roz ki tarah
ghabrata hai dil mera har nayee raat se

koi khabar teri mujhe beqarar na kar de
door mujhko rakh tamam akhbarat se

koi aur hi shaql na ikhtiyaar kar le
tujhe bilkul na kho dooN kahiN ilzamat se

mohabattoN ki rahoN meiN zillatoN ko paya
yaqeeN uth chala hai sabhi mukamaat se

khair maqdam ghamoN ka ab tang karta hai
mehmaaN nawazi ki in rawayaat se

tumko mujhse kate hu'e kuchh waqt ho chala haia'
aao koi pul banayeiN kinhiN wajuhaat se

Naye saal meiN nayee shuru'aat kareiN

2010-05-05T11:31:00.001-07:00

Aa'o koi nayee shuru'aat kareiN
jahaN pyar ho,bas pyar ki hi baat kareiN

koi ana na tere mere beech ha'yal ho
khudi ko hatakar ham khud se mulakat kareiN

meri aarzu'eiN jahan teri justju baneiN
khwahishoN ke eise intzamaat kareiN

teri zabaN mujhe hamnawa si lage
mere alfaaz tujhe bolne ki saughat kareiN

meri khushboo jahaN tujhe apni si lage
ham khud meiN paida kuchh eise jazbat kareiN

na tu bhatke na meiN kho jaa'ooN
ek hi raste ke ahd-o-rawayat kareiN

koi gham tujhe khwaab meiN bhi na chhooker jaye
khushi meiN ham shareek apne lamhaat kareiN

meri palkeiN teri aankhoN ko bheegne na deiN
is saal aansu'oN ko widaayee ki rasmaat kareiN

abrar ulhaq

"MaaN"

2010-05-05T11:29:00.001-07:00

MaaN

Apne haathoN ki lakeeroN meiN tumheiN dhooNd raha hooN
jin haathoN se nikal gayeeN tum ret ki tarah

sara ghar jo sharaabor tha tumhari roshani-e-azmat se
har ghosha hai tareek aur ghar sangrez ki tarah

har pursaane haal ke lafz raaygaN se heiN
ab to khushiyaN bhi lagti heiN parhez ki tarah

thaa sukuN wa thandak tumhare aanchal ki chhawN meiN
aur bachchoN ki jannat neeche tumhare paaNw meiN

tum aaNgan ka peD thi,tum sardi ki dhoop thi
tum pyar thi, saari kaaynat ka ek roop thi

tum haNsti thi to har bachcha khushi se bharta tha
tum khamosh hoti to sab kuchh kasakta tha

tumne kamzor ,kaNpkapate hathoN se balaayeiN liN
girte saNwarte hathoN se kitni du'aayeiN kiN

tumhare mooNh se jo aati thi paan ki khushboo
hameiN lagti thi saare jahaN ki khushboo

tumhare chehre par jo phikrogham ke nishan the
jinheiN mitaane tumhaare bachche pareshaan the

tum wo saagar thiN,jahaN saare dariyaa milte the
bachche tumhare saare, aakar tumse hi milte the

tumhare pyaar bhare haathoN ki narmi kahaN se laayeiN
sabko tajassum hai tumhari, tumheiN phir se chhoo jaayeiN

koi bashar eisaa nahiN, jise maaN ka khayaal na ho
aur uske jaane ka saNs-e-aakhir tak malaal na ho

ek tum thiN, jo mere tamgoN pe khush hu'aa karti thiN
aur meri pareshaniyoN meiN khul ke du'aa karti thiN

jaaNnamaaz meiN tumhari peshani ki khushboo hai
aur yahi mahak tumhare kamre ke har soo hai

tumhari tasweeh un haathoN ko dhooNd rahi hai
buDi ungliyoN ne jise kai baar chhuaa hai

kitni mitti meiN dabi ho, kitni shaffaq hu'a karti thiN
tumhare wuzoo ke rakhe paani ko ye ehsaas hua hai

ab sab aarzueiN ummeedoN ke madafan heiN
kitni khizaNdida ye aankheiN,ye gulshan heiN

log kahte heiN, tum hamare saath bahut din rahiN
nahiN qubool hameiN,tumhaara saath kyuN sab din nahiN ?

(tumheiN yaad hai jab tum zinda thiN,meiN akcer kaha karta tha.........)

god meiN tumhari gham kho gaye heiN sab
tum jaag rahi ho maaN,ham so gaye heiN sab

aur aaj

jaane se tumhare,yuN kho gaya hai sab
tum kho gayee ho maaN,jaise kho gaya hai rab

abrar ulhaq

Chand hooN meiN Eid ka

2010-05-05T11:27:00.000-07:00

CHAAND HOON MEIN EID KAA

chaahtoN ki deed kaa
naye rishtoN ke ummeed ka
shikwoN meiN tanqeed kaa
paigham bahar-e-eid ka

chaand hooN meiN eid kaa

taskeen mushtaq-e-deed ka
chasme barah bareed ka
ghar jaane ki ummeed ka
khatme intzar shadeed ka

chaand hooN meiN eid kaa

ghuzre saal ki tajdeed ka
naye libaasoN ki khareed ka
nayee khushioN ki ummeed ka
aghaz-e-bahar mazeed ka

chaand hooN meiN eid ka

nayee takhleeqo-tamheed ka
koi kawishe jadeed kaa
dushmani ki tardeed kaa
mahobbatoN ke mureed kaa

chaand hooN meiN eid kaa

"eidee" ki rasm akeed ka
beshumar 'dawat-e-eid' ka
ghale milne ki rasm saeed ka
eylaan hooN youm-e-eid kaa

chaand hooN meiN eid kaa

bareed=postman
tardeed=to reject
akeed=confirmed

abrar ulhaq

MENHDI SE RACHE TERE HAATH

2010-05-05T11:26:00.001-07:00

MeNhdi se rache tere haath mujhe ab bhi yaad hai
rang-e-hina ki ye saugath mujhe ab bhi yaad hai

kangna kholne ki rasmaat mujhe ab bhi yaad hai
khoob ru rang-e-hayat mujhe ab bhi yaad hai

tere gore haathoN meiN aadhi rangeen ungliyaaN
meri poori qaaynat mujhe ab bhi yaad hai

khudaya in hathoN ki lakeeroN meiN meiN bhi maujud hooN
wo mahve-tamkeeN khayalaat mujhe ab bhi yaad hai

hina ke rang tere meri aankhoN mein qaid heiN
wo sahirana lamhaat mujhe ab bhi yaad hai

dikhe the surat ko teri dekhne se pehle
meNhdi se rache tere haath,mujhe ab bhi yaad hai.

tere baad ke khatoN meiN, tujhko nahi maloom
the khushboo-e-hina ke safhaat,mujhe ab bhi yaad hai

ye rang bhi mitna tha, mit hi gayade gaya
nukush-e-jazbaat,mujhe ab bhi yaad hai

mehve-tamkeeN---fakhr meiN doobe
nukush-nakhsh ki jamaN

Ek shaayer ki wasiyat

2010-05-05T11:24:00.001-07:00

EK SHAAYER KI WASIYAT

Wakil se kaho, meri wasiyat ko banayeiN
daulat ke siwa kuchh aur bhi batwayeiN

karzdaar hooN un hawaa'oN ka jinmeiN cigretteiN phoonki heiN
ghar ke sehan meiN kuchh phooloN ke ghamle lagwaayeiN

guRguRati hu'ee paan ki peekoN meiN daad wo wah wah
pichhli wali gali ko kai baar acid se dhulwaayeiN

bachchoN tumhari maaN ko kuchh dukh bhi diye heiN"
meiN ab nahi hooN" use ye yaqeen dilwaayeiN

doosri kitaab ki teesri nazm chori se likhi thi
kawwan miyaN ko copyright ke paise pahunchwayeiN

waqt-e-taamir is ghar ka ek peD bhi kaata tha
mere bachche bagichoN ko sabz-o-shadaab banayeiN

meri wasiyat pe kisi ke aansoo nahi aate
housemaid se kahkar thoDi pyaz katwayeiN

kuchh nazmeiN meri sunane se chhoot gayeeN thiN
agli fatiha meiN wo kitabeiN lete aayeiN

marne se pehle bhanje bhanji ke naam rakhne the
laDke ka 'radeef' aur laDki ka 'qaafiya' rakhwaayeiN

aakhiri aarzu meri copyright ke paisoN se
meri qabr pe saalana mushayra karwayeiN

do qate abhi abhi zehan meiN aaye heiN
mujhe utarne se pehle lillah sunte chale jayeiN

abrar ulhaq

Ek khwab aur mere waliden

2010-05-05T11:20:00.000-07:00

EK KHWAB .............AUR MERE WALIDAIN

ye nazm meiNe 2 saal pehle likhi thi. ye mere waliden ke bare meiN hai jo ab is duniya meiN nahiN heiN.

ek din meiNe apne walideiN ko khwab meiN dekha, donoN ko sath khwab meiN dekha, ek alag si khushi hu'ee. bahut dhundhlate alam meiN meiN unheiN pahchan nahiN paa raha, dheere-dheere unke chehre mujhe saaf nazar aane lagte heiN. dono hanste hu'e nazar aate heiN.

ittfaq ye hua ki agle din phir wo khwab dekha. phir donoN mujhe dekh kar hanste nazar aate heiN.

teesre din meiN waqt se pehle jaldi so gaya unheiN phir se khwab meiN dekhne ke liye...sote jaagte subah ho gayee wo khwab meiN nahiN aaye aur meiN betha khala meiN sochta raha, tab ye tehreer hu'ee.

arz hai

EK KHWAB AUR MERE WALIDEIN

Kaun heiN wo do chehre
khud se khud aa jaate heiN
mere haseen khwaboN ke
silsile banaate heiN

wo khushbuoN ke hamsafar
kahkashaN pe chalkar
mere ghar ki dehleez par
deeye jala rakh jaate heiN

mere laboN ki muskrahat par
purzor khilkhilate heiN
aur meri udasi par
peeth thapthapte hein, hausle baDate heiN

har raat mere khwaboN ki chilmaneiN hatate heiN
mere kisi tajassum par ek lo si jalate heiN

meri karwatoN ke do-taraf
saaNseiN heiN,khushbueiN heiN
lams unki ungliyoN ke
kai baar mehsoos hu'e heiN

mere naguftni sawaloN par ungliyaN rakh dete heiN
mere labo ki khamoshi par ungliyoN rakh dete heiN
meri khwahish-o-sama'at par ungliyaN rakh dete heiN
meri justju ki aankhoN par ungliyaN rakh dete heiN
mere aansu'oN ke raste par ungliyaN rakh dete heiN

aahat se unke aane ki
hazaar taar bajte heiN
sab rang noor ho jaata hai
tare hazaar sajte heiN

chandni ki oDni maa ka libas lagta hai
badloN ka pairahan abba ka libas lagta hai
kyuN mujhse door heiN,itne door
unke bagair na koi mera ghamshanas lagta hai

mere bachchoN ko dekhkar
aasmaN se muskrate heiN
mere bachchoN ke bachpan se
mujhe dhoondh laate heiN

meri takhleeq-e-qaynat tumse hai
aur ye rang-e-hayat tumse hai
tumse thi saari khushiyaN
ab ye gham-o-sadmaat tumse hai

saloN saal aate heiN
aur din nikalte heiN
bejaan,behis se ham
roz us par chalte heiN

tum jis din nahiN aate
meri khwab-aalood aankheiN
tumheiN dhoondne chal paDti heiN
baadlo pe tumhare naqsh-o-pa
dekhne chal paDti heiN.

apne bachchoN ko ab aur kitna rula'oge
kya mumkin hai tum khuda ke ghar se lot aa'oge

........kaun heiN wo do chehre
........khud se khud aa jaate heiN
........mere haseen khwaboN ke
........silsile banate heiN

abrar ulhaq

hamsafar

2010-05-05T11:18:00.001-07:00

aa band aankhoN meiN ek khwab sajayeiN
palkeiN kholeiN to saamne tujh ko nazar payeiN

tu hai ek kitaab khushboo ki
harf jiske meri saansoN se ubhar aayeiN

tu meri ungliyoN meiN basti hai
hatheli pe meri tere naqsh ubhar aayeiN

jo lamha guzre tera daamangheer hokar
jiske chhoote meri sadiyaN guzar jayeiN

bas gayee hai mere ahsaas meiN teri si mahak
chale jaayeiN jidhar chahe oodh-o-ambar jayeiN

itni muhabbat na de ki mera daaman chhota hai
us'se kah do khudaya kuchh aur tha'har jayeiN

sitare taNk dooN tere daaman meiN jo bas meiN ho mere
teri parashtish ko chalke mah-o-akhtar aayeiN

koi lamha jo guzre tere qareeb ho hamsafar
teri hamraah hokar meri kai umar jaa'eiN

har meel ke pat'thar pe alfaaz ye likh do
jahaN se tu jo guzre, wahiN se mera safar pa'aeiN

Shehar-e-Dubai

2010-05-05T11:00:00.001-07:00

shehr-e-Dubai tune kya kya na diya
rastoN ke pechokham,aur viso ki problem

ghar se outdate kiyaDubai meiN accomodate kiya
ghar se aate heiN letterbeta are you feeling better

ret,rambal aur samandar
kya kya nahiN tere andar

licence to mil hi gaya dost (Driving license ke liye)
muddat meiN test ko paas kiya
gaaDi khareedna khwab hai abj
eb se tune khalaas kiya

Studio tune flat diyamushkil se hamne set kiya
mushkil se job ki lift dina phir bhi straight shift di

shaadi ke liye overage kiya
office ke baad tune page kiya (jis zamane meiN pager chalta tha)

kam tune meri sleep ki
bat bat pe tune bleep ki

arbi zabaaN ne hal-e-bekasi kiya
pepsi ko be-basi kiya ( yahaN arbi pepsi drink ko arbi meiN bebsi kahte heiN)

kaif-al-haal se tasleem kiya
meri angrezi ko taqseem kiya

a/c ka bana diya tune aadi
india meiN hogi meri barbadi

rashian se dubai ko bhar diya
hay...allah ye kya kar diya

gandh ho gayee bahut bhaari
kahaN se bhar liye malbaari

garam paani ko suit kara diya
insaaN se ooNt bana diya.

shehar-e-Dubai tune kya kya na diya

abrar ulhaq

intzar

2010-05-05T10:59:00.001-07:00

Aabad hooN meiN apne aalishan makan meiN
qadmoN se ise apne ghar kar ke guzar ja'o

intzar se paiham jaagti aankhoN ko
khwaweeda se karke neendoN se guzar ja'o

ab to namazoN mein meiN bhi tum aane lagi ho
kuchh der to thehro,kuch baad guzar jaa'o

gulshan ke mere phool heiN phasurda wa shikasta
apne daaman ki khushboo ko lahra ke guzar jaa'o

aahat si sada ban ke dhadkan meiN utar jaa'o
chandi ki subah jaise shabnam pe guzar jaa'o

surmayee sham ke heiN gahrate andhere
chand se utro ujale si guzar jaa'o

kahiN ansoo'oN ko mere zamana na dekh le
aankhoN pe mere aake palkoN se guzar jaa'o

usi mod par meiN ab bhi khada hooN abrar
is raah pe aakar ek baar guzar jaa'o

NAYA SAAL

2010-05-05T10:58:00.001-07:00

ab ke nayaa saal kuchh eisa nazar aaye
ki pichhle sab saaloN se badla sa nazar aaye

diloN per chha'ee hu'ee ghamoN ki ghard ho door
shab-o-roz bas khushiyoN ki sahar aaye

naye sire se ho san'at apne wajood ki
bikhra bikhra saa aashiyaN saNwar jaaye

ibtda ho eisee jaise aagaz kisi bazm ka
aakhir mein jis bazm ke waqt khud hi thahar jaye

har lamha jo guzre naazneen phool sa ho
gushan-e-hayat mein jiski khushboo si bikhar jaye

ek naya aasmaN ho aur nayee ho zameeN
ek naya ho diyaar, aur naye ho makeeN
ek nayee ho manzil aur naye ho raah
ki phir kisi raah se koi gham na idhar aaye

ham ka jazbaa ho baham ham sab ke
koi hadcaa na ho ayodhya-o-gujrat ke jaise
rishtoN ko joda jaaye sakht zanzeer se eise
ki phir se tootkar kaDi koi na bikhar jaaye

ab ke naya saal kuchh eisa nazar aaye
ki pichhle sab saaloN se badla sa nazar aaye

INAYAT-E-JUNG

2010-05-05T10:56:00.001-07:00

Un bachchoN ko mansoob jo guzista jungoN meiN halaq ho gaye

INAYAT-E-JUNG

Ye kaisa wahshi junoon hai, ( yaNha tujhe se mera ishara aap samajh sakte heiN)
tere sar to hazaroN bachchoN ka khoon hai,
kitne masoom chalne se apahij ho gaye
ye kaisa iktidaar hai, ye kaisa kanoon hai,

Tera iktidaar nahiN par tujhe ikhtiyaar hai,
teri chheDi hu'ee jung ab bhi barqaraar hai,

vietnaam, hiroshima, iraaq ya Afghan
sabko tune paamal kiya, shaitaan ho ya insaan

jin sarzaminoN par tune bom giraaye
aaj tak wo bachhe pairo pe na chal paaye

tu ye kahta hai, sab aman ke liye
par masih ne to zakhm apne sar liye
aman ke liye, usne saleeb bhi sahee
kitaab-e-engeel meiN par tere jaisa kuchh nahiN

kya tune jhaNk kar un masoom aankhoN meiN dekha
lahu se chipakte hu'e un paraahnoN ko dekha
jin masoom aankhoN meiN ek sawaal hai,
hamara kya kasoor hai, ye kaisa zalaal hai.

wo apaahiz reNgte reNgte baDe ho bhi sakte hei
Naur kuch apne jismoN ko kho bhi sakte heiN
jinke shiryaanoN meiN tune baarudeiN ghol deeN
waqt-e-jawani meiN sharaara ho bhi sakte heiN

apne drawing room se tune huqm-e-yalghaar kiya
hazaaroN mamtaoN ko tune sharmsaar kiya

tune amn kahaN kiya....

duniya meiN huqmraani ki ye kaisi aas thi
kitni miqdaar meiN tujhe khooN ki pyaas thi

tujhe kya mila

ab to tu nahiN teri huqumat bhi nahiN
tera haqooq nahiNm teri zulmiyat bhi nahiN

hiroshima ki zamiN meiN fasl nahiN tera baarud hai
vietnaam ke nasleiN khauf aalood heiN
philsteen aur iraaq ki maaNyeiN tujhe kya deNgi
un zakhmi bachchoN ki sadayeiN tujhe kya deNgi.

abrar ulhaq

SARA

2010-05-05T10:54:00.000-07:00

SARA

jiski shokh aankhon se shararten jhalakti hein
uske narm baalon pe neem chand ka jooda
jiske garm gaalon se meri qaynaat siharti hai
jiski chanchal hansee par mera jahan simathta hai
meri uljhanoh ke dar pe chilmanein see rakhta hai

tu wo shabnam hai na chhuyegi tujhe sooraj ki kiran
subah hone se pahle,pahnaa degi tujhe aahni pairaahan

wo banawti tere abroon,hamain yun gudgudaate hein
tere muskraane par taare bhi gungunate hein

tu kahkashan hai
mere ghar ki raat ko teri har lamha zaroorat hai
tere aane se pahle,sab kuch alam-e-zulmat hai

tu faroza hai
mere ghar ki tariki mein
tu masarrat hai,bemisaal hai
fikrogam ki bariki mein

tu khushboo hai
raat ki raani ki
der tak jagaati hai
hamein hukmraani si

tu dosheeza hai
subah ke ujaalon ki,makhmali khyalon ki
tujhse ronkein baa noor hein
firdos-o-mashalon ki

mere kandhe par chadkar paalna banati hai
dheere dheere gungunakar khud loriyan sunati hai

kis jahan se chalkar,is jahan mein aayee hai
apni sathi pariyon ki, sohbatein chor aayee hai

tere bhole sawalon pe mein ruk jaata hoon
soch mein pad jaata hoon
itni pyari se batein khushiyan hein yaa baaratein

kyun kar ye sawaal aata hai
kya ham tere layaq hein
is inam ke mustahiq hein

naam se hai shahzaadi (SARA means shahzaadi)
chandni ke jhoolon mein jhoolti rahi hogi
in ghareeb kandhon par kya sach mein khush rahi hogi

tu phool hai ya gulshanyaa hai ek guldastaa
tere chhote daaman meinjahan-e-khushboo hai bastaa

khuda tu bemisaal haidaaman se zyada deta ha
iek cheez aur de de
hamaari umr ise dede

abrar ulhaq

kuchh A'shaar

2010-05-05T10:53:00.001-07:00

mausam ki to fitrat hai badalte rahna
tere liye badal ke alfaaz kya likhuN
mausam aur tera zikr to baarha meiN kar chuka
meiN beech meiN hooN pareshaN abrar kya likhuN

---------------------------------

waqt hi ne chhena tha, waqt hi se mila
phir kyuN mujhe aaj waqt hi se gila hai
darta hooN waqt hi na kahiN na chhen le
wo gumgashtaN aaj jo waqt hi se mila hai
------------------------------------

tha tujhpe yaqeeN eise jaise chaand ki raanaa'ee mein
karta raha meiN intzar us shanash'ee meiN
shayad tu jise bhool ga'ee mujhe ab bhi yaad hai
ek waada kiya tha tune shame tanha'ee meiN
------------------------------------------
uska har lafz tha muhabbat se bhara
uska har lams tha nadamat se bhara
uske jism ki wo aashna si mahak
uska har andaz tha shararat se bhara
--------------------------------------------

kya hua jo thoda jalna paDa use
aag meiN tap ke hi to sona nikharta hai dosto
-------------------------------------------

bujhne se pehle diye ki lau jo hai baDi
muskrahat ko meri dekh de khush ho gaye heiN dost
-----------------------------------------

khud se naaraz hooN ki tujhko kyuN naraaz kiya
teri majbooriyoN ko ghair andaz kiya
waqt se us waqt ko kya meiN wapis chheen paa'unga
uf anjaane meiN meiNe waqt ko kyuN naaraz kiya
---------------------------------------------
jab bhi aasmaN pe parindoN ko uDte hu'e dekha
baarha tabhi mere haath bandhe se lage
qaid qismat hai meri, aur parwaz unki
mere baazu phir aaj,haalat se bandhe se lage
---------------------------------------------
in bandhanoN ki nafasat ko samjhega kaun
ki jinmeiN qaid nahi rihaa'ee ka maatam hai
-------------------------------------------
gham nahi ki kitna intzar kiya meiNe
gham ye hai ki kitna intzar hai baaqi
wajib tha par jurm ka iqrar kiya meiNe
tere phaisle pe khuda ab qarar hai baaqi
--------------------------------------

suna hai hawa bhi hai ek saudagar
har saNs ki wapisi ka karti hai intzar
-------------------------------------
khamosh samandar ki lahro ko chhoo kar to dekho
iske seene meiN bhi kai tufan dafn heiN.
---------------------------------------
na tha wo mera dost na mara raqeeb tha
na meiN uske qareeb, no wo mere qareeb tha
na tha mera hamkhayal aur na mujhse juda
ek qurbat thi hamare gird, ye rishta ajeeb tha.

Tera khayaal

2010-05-05T10:51:00.000-07:00

Tera khayaal aakeis dil se jaaye kyuN
tujhe zindagi bana ketanha jeeya jaaye kyuN

tu saath hai to phir toofaN bhi hai aziz
samandar se safeena sahil pe jaaye kyuN

tu mehwash hai, kahkashaN hai
hai itni farozaa, ye raat jaaye kyuN

nikhat hai meri, tu teri mehak
mere kareeb aake ab door jaaye kyuN

raheiN bhi heiN aasaaN, manzil bhi hai qareeb
tujhe hamsafar bana ke, ab tanha chala jaaye kyuN

aankhoN meiN mere jhaank keaayeena dekh le
teri tasweer paakekoi soorat aaye kyuN

tu ghar meiN nahiN hai ,ye mahak hai phir kaisee
har simt hawa se, teri khushboo aaye khyuN

aahat si koi aaye to manoos lage hai
har shai ki sadaa seteri aawaaz aaye kyuN

is chaandni ke raste ghar meiN bhi aa jaa'o
muhtaaj roshni ko ye dil jalaaye kyuN

tera khayaal aake is dil se jaaye kyuN

abrar ulhaq

paise ka qafas

2010-05-05T10:49:00.001-07:00

ab qafas hameiN nikalne na de
ham eise pat'thar heiN pighalne na de

har taraf paise ka qafas hai
ya khuda aur ise aage baDne na de

sajo samaaN se bhare bangloN se parhez
ghar sa lage eisa ek makaaN de de

apne siwa kisi ke jo kaaM aa sake
mujhe eisee kuwwat ka samaN de de

kuchh aur paane ki aarzu hi nahiN
jo hai use sajane ka armaaN de de

paise ki qafas meiN uljha hu'a hooN meiN
meiN ab bhi ghareeb hooN ye gumaaN de de

kisi ghair shajar ki chhaNv mujhe raas nahi aati
mujhe ghar ki gulistaN meiN saaybaaN de de

Aakhir meiN kya likhuN

2010-05-05T10:46:00.000-07:00

Dil bhi hai pareshaN,zehan bhi juda juda
donoN se juda hoke aakhir meiN kya likhuN
ye watan bhi hai pareshaN aur ye quom bhi
kaun sa unwaan looN,aakhir meiN kya likhuN

maut se bekhauf hooN,per zindagi se khaufzada
ho zindagi se ba-wasta aakhir meiN kya likhuN
kaaghaz bhi mere paas hai,syahi bhi mayassar
hoN syahi mein lahu ke qatre,aakhir mein kya likhuN

raheiN bhi heiN pathrili,manzil hai bahut door
andhera bahut hai ghir aaya,aakhir meiN kya likhuN
andhera jo ghira to parchhaaiN bhi bhagi
kis qadr hooN meiN tanha, aakhir mein kya likhuN

barha poochte rahe dost abrar kuchh likho
khauf karti heiN ungliyaN,aakhir meiN kya likhuN
maazi tha bahut roshan,socha us per hi kuchh likhuN
saamne rakha hai aayeena,aakhir meiN kya likhuN

kisi ne kaha hai........... haNsa karo ki udasi bhali nahi hoti
bujhe diye ki koi zindagi nahi hoti
sochkar ye meiNe diya jalta to chhoR diya
aaNdhiyaN heiN bahut yaar, aakhir meiN kya likhuN
log kahte heiN har raat ke baad aayegi ek subah
subah bhi ho ghar andheri,aakhir meiN kya likhun

kisi raat ko koi suraj aayega meri chhat pe
betha tha ummeed pe,aakhir meiN kya likhu
suraj bhi nikla,subah bhi hu'eedam toD diya shabnam ne,
aakhir meiN kya likhuN

betha hooN meiN mehfil meiN, aur haNs rahe heiN dost
na ho saka hai faislaa, aakhir meiN kya likhuN

DOST (Ek aazad nazm)

2010-05-05T10:43:00.000-07:00

do kirdaar the
meiN aur tum
ek kahani bani

jaise hoN do shajar
ek hi aaNgan meiN munjamid
per donoN jaDeiN hoN juda-juda
shakhoN se ooper mile hu'e

sath sath baDte hu'e qadam
yaksaN qad, yaksaN chhaNv liye
bachpan ke naNge paaNv liye
sath sath nashwo-numa,sath sath khelte
ek doosre per soze yaqeeN rakhte
sath sunte, sath haNste

salo sal aate yuN guzar jaate
lekin sab unheiN ham aahaNg hi pate
kyuN jaise kisi ek ka mafhoom hi na ho
dono milte to ek unwaan banta
unki dosti meiN umak bhi the, uphaq bhi

log jab un shazar se guzarte
to rahwar ke liye unka naam lete
jaise dheere dheere wo sang-e-nishaN hoN
bahut se rang-e-sahar unhone saath dekhe
bahut se rang-e-shab unhone saath dekhe
wo mehte parwaaz the apne hi uphaq meiN

daf-atan unmeiN be-qasd, be-azm dooriyaN hone lagiN
koi eisee dame hawa chali
ooper se mili pattiyaN girne lagiN
koi khwab-e-tarab saza-e-haqiqat hone laga
ki har patti ko kabhi na kabhi jhaD jaana hai
rafta rafta bargo samar girne lage
shaakheiN kashaN kashaN ho gayeeN

wo lalazar jo rahgeeroN ko naqsho-paa deta th
aab ahde guzistaN tha ab unki koi pahchan na thi

alfaz-e-aakhir meiN ek ne doosre shazar se kaha
"tu mujhse door hai ya meiN tujhse door hooN
majboor tu hai ya meiN majboor hooN
$zimmedar ye haalat heiN ya mausam ya koi aur lekin
kuchh tanha kuchh pareshaN meiN zaroor hooN"

Doosri manzil

2010-05-05T10:40:00.000-07:00

meiNe is ghazal mein zindagi ko 3 catagories meiN taqseem kiya hai,

"kamtar"
"aadi"
"behtar"

PESHLAFZ"
teen manzil heiN, is nizam-e-hasti ki
mera makaN doosri manzil pe hai
pahli pe heiN siDiyaN,teesri zere taamir
rahne ki jagah sirf doosri manzil pe hai"

DOOSRI MANZIL

na daur-e-muflisi hai aur na aalam-e-amiri
mere haalat ka bayaN doosri manzil pe hai

khiza ghar pahli manzil aur bahar aakhri
mere gulshan ka samaN doosri manzil pe hai

na maazi hi talkh tha,na mustaqbil hai pur ummeed
meri majboori ka mukam,doosri manzil pe hai

kuchh baarisheiN heiN baqi is jamal-e-rangiN ki
qaus is arz-e-hasiN ka doosri manzil pe hai

na aansuo'N ki kami hai, na kami hai khushi ki
meri kafiyat ka nishaN doosri manzil pe hai

na mayassar hai bahut,na tawaqqo kuchh aur ki
meri aarzo ka makaN doosri manzil pe hai

na mukam-e-yas hai aur ab na josho junooN hi baqi
meri himmat ka makaN, doosri manzil pe hai

rafiq bante bante kahiN ranzish-e-beja na kar bethna
meri shafaqqat ka safar abhi doosri manzil pe hai

suna hai nafrat mohabbat ki pehli siDi hai
zaroor mohabbt ka mukam doosri manzil pe hai,

jung tumse bhi hogi e maghrib walo
mere zabte aah ka suraj abhi doosri manzil pe hai

teesri manzil pe kab pahunchoge abrar maloom nahiN
guzarna tab tak pahli se sirf doosri manzil pe hai

abrar ulhaq

kaash

2010-05-05T10:34:00.000-07:00

pahchan paata us aqs ko paani meiN agar
kisi ne samandar meiN na pat'thar na mara hota

aakhiri phool bhi shakh-e-gul se bikharta kaise
bahar aane ka use koi bhi sahara hota

kashti lag jaati usi roz manzil se agar
beech samandar mein koi bhi kinara hota

sisakte chaand ko thapki de ke sula deti zameeN
gar na suraj ki kiran ka sahara hota

aur abhi doDta ki josh-o-junooN hai baaqi
kismat ki raftar se na hara hota

tut hi jaata ki shab-e-intzar thi taweel
aus ki booNdoN ne sahar meiN na ubara hota

sabr nigal hi gaya hota besabr ab tak
ummeedoN hath meiN gar na daaman tumhara hota

andheroN se chheen leta ujale meiN bhi
mere ghar meiN bhi koi dhurv ka taara hota

abrar tamam umr intzar meiN kat'ti
kaash phir aane ka koi bhi ishara hota

wajud-e-hindustaN--ek purani takhleeq

2010-05-05T10:32:00.000-07:00

jo zameeN rakhti thi apni hi raanaa'ee
us zameeN ka aaj naksha badal chuka hai

jiska maazi raha hai sada se roshan
kya hua ki uska aaj badal chuka hai

begunah aur gunahgar sab maut ke mooNh
tarazu insaaf ka kyuN aaj badal chuka hai

jo jazba tha baaham hindu muslim ke
kya hua ki aaj wo rishta badal chuka hai

kyuN ho rahe heiN din dahaDe khooN aur lootpat
kya insaan aaj apni zaat badal chuka hai

kya ho sakegi talafi unki jo maare gaye begunah
de diye gunahgar ki masla badal chuka hai

zimmedar heiN halat-e-mulk ya baahri dakhal
ki ab to ye sochne ka bhi waqt badal chuka hai

ek hind ke makeeN band kar ye farq qoum ka
phir na kahna ki wajud-e-hindustaN badal chuka hai