rishtoN ke phool
ye naam musalmaaN ko yuN hi mila nahi hai
koi do char din ka ye silsila nahi hai
jis qaum ke taaj ajayabgharoN meiN rakhe heiN
hoN unse hi sawal, phir ye sila nahi hai
rukh siyasat ka koi aandhi badal degi
jo hai pak beniyaz,ab tak hila nahi hai
bas apne hi logoN ka hujum na bana'o
ye bheeD hai zaroor,magar kaafila nahi hai
koi pul dono qaumoN ko milata rahe
phir lambe raastoN ka mujhko gila nahi hai
shajar tum laga'o aur paani meiN dooN
bahmi rishtoN ka koi gul khila nahi hai.
Wednesday, April 20, 2011
Subscribe to:
Posts (Atom)
